نۇر-سۇلتانداعى قۇرىلىس الاڭىندا مۇنارا كرانىنىڭ تروسى ءۇزىلىپ, ءبىر جۇمىسشى قازا بولدى, دەپ حابارلايدى Egemen.kz. بۇل تۋرالى توتەنشە جاعدايلار مينيسترلىگىنىڭ ونەركاسىپتىك قاۋىپسىزدىك كوميتەتى ءمالىم ەتتى.
ۆەدومستۆونىڭ مالىمەتىنشە, 2022 جىلعى 15 مامىردا ساعات 03.34 شاماسىندا تۇران داڭعىلى, 50 مەكەنجايى بويىنشا «تۇران 1» مكك قۇرىلىس الاڭىنىڭ اۋماعىندا پايدالانۋ كەزىندە قۇرىلىس-مونتاجداۋ جۇمىستارىن جۇرگىزۋ كەزىندە اپات ورىن العان.
«الدىن الا مالىمەت بويىنشا, كراننىڭ سىمى ءۇزىلىپ, مەتالل ىلمەك قۇلاپ كەتكەن. سونىڭ سالدارىنان ءبىر جۇمىسشى وقيعا ورنىندا قايتىس بولدى. بۇل اپاتتى تەكسەرۋ ءۇشىن ارنايى كوميسسيا قۇرىلدى», دەلىنگەن حابارلامادا.
اپاتتىڭ سەبەپتەرى مەن ءمان-جايىن انىقتاۋ ماقساتىندا كوميسسيا جۇمىسىنا توتەنشە جاعدايلار مينيسترلىگى ونەركاسىپتىك قاۋىپسىزدىك كوميتەتىنىڭ نۇر-سۇلتان قالاسى بويىنشا دەپارتامەنتىنىڭ قىزمەتكەرى جەتەكشىلىك ەتەتىنى اتاپ ءوتىلدى. تەرگەۋ ناتيجەلەرى كەيىنىرەك جاريالانادى دەپ ۋادە بەرىلدى.
ايانا توعانبەك