قاسىم حان بەينەلەنگەن الىپ كارتينا الماتى قالاسىنداعى زەينوللا قابدولوۆ جانە وتەگەن باتىر كوشەلەرىنىڭ قيىلىسىندا ورنالاسقان Grand Park ساۋدا كەشەنىنىڭ قابىرعاسىنا سالىندى.
ش.ايمانوۆ اتىنداعى «قازاقفيلم» كينوستۋدياسىنىڭ تاپسىرىسى بويىنشا سالىنعان مۋرال الىستان كوز تارتادى. اۋقىمدى كوشە تۋىندىسى كوشپەندىلەردىڭ ءومىر ءسۇرۋ سالتىنىڭ التىن ەرەجەسى مەن بۇلجىماس قاعيداسىن تاريحتا العاش رەت «قاسىم حاننىڭ قاسقا جولى» اتتى زاڭ جيىنتىعىمەن جۇيەلەپ كەتكەن بيلەۋشى تۋرالى ءفيلمنىڭ پروكاتقا شىعۋىنا وراي سالىنىپ وتىر. XV-XVI عاسىردا مەملەكەت ىرگەسىن قالىپتاستىرۋ جولىندا قازاق ەلىنىڭ ەركىندىگى مەن تاۋەلسىزدىگى ءۇشىن كۇرەس جۇرگىزگەن قاسىم حاننىڭ تاريحتاعى ورنىن بەينەلەگەن اقان ساتاەۆتىڭ « ۇلى دالا تاڭى» ءفيلمى 12 مامىردان باستاپ بارلىق كينوتەاتردا كورسەتىلە باستادى.
مۋرالدى جاس سۋرەتشىلەر كارينا ءازىمجانوۆا جانە عافۋرا قايىربەكوۆا سالدى. ولاردىڭ ايتۋىنا قاراعاندا, قاسىم حاننىڭ بەينەسىن سالۋعا ءبىر اپتا جانە 120 باللون بوياۋ كەتكەن.
الماتى