فۋتبولدان ەل چەمپيوناتىنىڭ كەزەكتى تۋر ويىنىنان كەيىن قوستانايدىڭ «توبىل» كلۋبىنىڭ باس باپكەرى, قازاقستاندىق مامان الەكساندر موسكالەنكو قىزمەتىنەن كەتتى. بۇل تۋرالى كلۋبتىڭ ءباسپاسوز قىزمەتى حابارلادى.
چەمپيوناتتىڭ 11-تۋرىندا «توبىل» سىرت الاڭدا «اقتوبەمەن» ويناپ, 1:2 ەسەبىمەن جەڭىلىپ قالدى. قوستانايلىق ۇجىم ەكىنشى 45 مينۋتتا 10 فۋتبولشى بولىپ ويناعان «اقتوبەنى» جەڭە الماعان سوڭ, كلۋب باسشىلىعى مەن باس باپكەر ەكىجاقتى كەلىسىم بويىنشا كەلىسىمشارتتى ءۇزدى.
ا.موسكالەنكو «توبىلدى» وتكەن جىلدىڭ ماۋسىم ايىنان بەرى جاتتىقتىرىپ كەلدى. وتكەن جىلى قوستانايلىقتار 45 جاستاعى ماماننىڭ باسشىلىعىمەن ەل چەمپيونى اتانعان بولاتىن. سونداي-اق بيىل قازاقستان سۋپەركۋبوگىن دا جەڭىپ العان ەدى.