ول ءجالاڭتوس ءباھادۇر ەسكەرتكىشىن سالۋعا قاراجاتتى كەدەرگىسىز اۋدارعان. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ۇلان سارقۇلوۆ ايتتى, دەپ جازدى Egemen.kz.
سپيكەردىڭ سوزىنشە, مەملەكەتتىك ساتىپ الۋ سالاسىنداعى قىلمىستاردىڭ دەنى مادەنيەت, دەنساۋلىق ساقتاۋ, ءبىلىم بەرۋ جانە قۇرىلىس سەكتورىندا جۇزەگە اسىرىلادى.
«ماسەلەن, قىزىلوردا وبلىسىندا ءجالاڭتوس ءباھادۇر ەسكەرتكىشىن سالۋعا قاراجاتتى كەدەرگىسىز اۋدارعانى ءۇشىن 1 ملن تەڭگە كولەمىندە پارا العان مادەنيەت باسقارماسىنىڭ باسشىسى ءابۋوۆا سوتتالدى. بيىل شىعىس قازاقستان وبلىسى بورودۋليحا اۋدانى اكىمىنىڭ ورىنباسارى بالىقباەۆ 3 جىلعا باس بوستاندىعىنان ايىرىلدى», دەدى سپيكەر.
ول جولدار مەن سۋ وتكىزگىش قۇبىرلاردى جوندەۋگە مەملەكەتتىك ساتىپ الۋ كەلىسىم-شارتتارىن جاساعانى ءۇشىن كاسىپكەردەن 1,8 ملن تەڭگە كولەمىندە 10% قايتارىمسىز سىياقى العان.
«وتكەن جىلى اگەنتتىك اتىراۋدا قۇنى 145 ملن تەڭگە بولاتىن اباي قۇنانباەۆتىڭ ەسكەرتكىشىن جاساۋ جانە ورناتۋ تۋرالى كەلىسىم جاساعانى ءۇشىن 4,5 ملن تەڭگە كولەمىندە پارا الدى دەگەن كۇدىككە ىلىنگەن اتىراۋ وبلىسى اكىمىنىڭ ورىنباسارى حامەنوۆانى اشكەرەلەگەن بولاتىن», دەگەن ۇلان سارقۇلوۆ مۇنداي مىسالدار وتە كوپ ەكەنىن جەتكىزدى.