الەۋمەتتىك ساقتاندىرۋ قورىنان تولەنەتىن تولەم مولشەرى ارتتى

2022 جىلعى 1 قاڭتاردان باستاپ ەڭبەك ەتۋ قابىلەتىنەن ايىرىلۋ جانە اسىراۋشىسىنان ايىرىلۋ بويىنشا الەۋمەتتىك تولەمدەر مولشەرى 5%-عا, 2022 جىلعى 1 ساۋىردەن باستاپ قوسىمشا 4%-عا ءوستى. تولەمدەردىڭ جيىنتىق مولشەرى وتكەن جىلدىڭ دەڭگەيىمەن سالىستىرعاندا 9%-عا ارتتى.

ماسق-نان تولەنەتىن تولەمدەردى الەۋمەتتىك ساقتاندىرۋ جۇيەسىنىڭ جۇمىس ىستەيتىن قاتىسۋشىلارى بازالىق مەملەكەتتىك الەۋمەتتىك جاردەماقىلارعا قوسىمشا الادى.

ماسەلەن, ماسق-تان ەڭبەك ەتۋ قابىلەتىنەن ايىرىلۋ بويىنشا الەۋمەتتىك تولەمدەردى 81,6 مىڭ ادام الادى. ەگەر مۇگەدەكتىگى بويىنشا بيۋدجەتتەن تولەنەتىن جاردەماقىلاردىڭ ورتاشا مولشەرى 54 608 تەڭگە بولسا, وندا ماسق تولەمدەرىن ەسكەرە وتىرىپ, ازاماتتار بارلىعى 84 353 تەڭگە الادى.

ماسق-تان اسىراۋشىسىنان ايىرىلۋ بويىنشا الەۋمەتتىك تولەمدەردى 54,2 مىڭ ادام الادى. ەگەر اسىراۋشىسىنان ايىرىلۋ بويىنشا بيۋدجەتتەن تولەنەتىن جاردەماقىلاردىڭ ورتاشا مولشەرى 45 627 تەڭگە بولسا, وندا ماسق تولەمدەرىن ەسكەرە وتىرىپ, ازاماتتار بارلىعى 76 443 تەڭگە الادى.

وسىلايشا, جۇمىس ىستەيتىن ازاماتتارعا تولەنەتىن تولەمدەردىڭ ورتاشا مولشەرى الەۋمەتتىك ساقتاندىرۋ جۇيەسىنە قاتىسپايتىن الۋشىلارعا تولەنەتىن تولەمدەرگە قاراعاندا شامامەن 30 مىڭ تەڭگە جوعارى.