رەسەيدىڭ حاباروۆسك ولكەسى امۋر اۋدانى تەيسين كەنتىندەگى اسكەري بولىمدە جارىلىس بولدى. وقيعا سالدارىنان ءبىر ادام كوز جۇمدى, زارداپ شەككەندەر دە بار, دەپ حابارلايدى Egemen.kz تاسس اگەنتتىگىنە سىلتەمە جاساپ.
«وق-دارىلەردى ءتۇسىرۋ كەزىندە جارىلىس بولىپ, سالدارىنان جەتى ادام زارداپ شەكتى, ولار جەڭىل دەنە جاراقاتتارىن العان. تاعى ءبىر ادام كوز جۇمدى», دەلىنگەن اگەنتتىك تاراتقان حابارلامادا.
سونداي-اق جارىلىستان كەيىن ءورت شىققانى بەلگىلى بولدى. ءوڭىردىڭ دەنساۋلىق ساقتاۋ مينيسترلىگىنىڭ وكىلدەرى زارداپ شەككەن ەكى ادامدى كۇيىك شالعانىن حابارلادى.
«ولار ساناۆياتسيامەن اۋرۋحاناعا جەتكىزىلدى, ولاردىڭ دەنەسىنىڭ 65% جانە 40%-ىن كۇيىك شالدى», دەدى دەنساۋلىق ساقتاۋ مينيسترلىگىنەن.
تاعى ەكى ادامدى جەڭىل دارەجەدە كۇيىك شالعان. ولاردى مەديتسينالىق مەكەمەگە جەتكىزبەي, وقيعا ورنىندا كومەك كورسەتىلگەن.
تەيسين كەنتى امۋرداعى كومسومولسكتەن وڭتۇستىك-شىعىسقا قاراي 82 شاقىرىم قاشىقتىقتا ورنالاسقان. كەنتتە وسى اتاۋمەن اتالاتىن تەمىرجول ستانتسياسى مەن اسكەري ءبولىم بار.