قىزىلوردا وبلىسىنىڭ قازالى اۋدانىندا «اق تىلەۋى اتانىڭ, ورنى بولەك باتانىڭ» اتتى باتاگويلەر بايقاۋى ءوتتى. ۇلتتىق قۇندىلىق ۇلىقتالعان سايىستا قاريالار توگىلدىرىپ باتا بەردى.
ۇلى وتان سوعىسىنىڭ ارداگەرلەرى تۇرىكپەن مۇساباەۆ پەن اعجاپ وتەمۇراتوۆتاردىڭ 110 جىلدىعىنا وراي ۇيىمداستىرىلعان بايقاۋدا اس قايىرۋ باتاسىنان باستاپ ناۋرىزعا, جاس جۇبايلارعا, ساپارعا شىققان جولاۋشىعا بەرىلەتىن باتالاردى جۇرتشىلىق ىقىلاسپەن تىڭدادى.
اۋدان اكىمى مۇحتار ورازباەۆ ۇلتتىق سالت-ءداستۇردى ۇلىقتاۋعا ارنالعان بۇل باستامانىڭ جاستارعا بەرەر ونەگەسى مەن تالىمدىك ءمانى وتە جوعارى ەكەندىگىنە توقتالدى.
بايقاۋدا قوعام قايراتكەرى قۋانىشباي تولەباەۆ, بايقاۋدىڭ ۇيىمداستىرۋشىسى ءناجمادين مۇساباەۆ ءسوز سويلەپ, ءىس-شارانىڭ ەلدى ىزگىلىككە, بىرلىككە شاقىرۋداعى ماڭىزىن ايتىپ ءوتتى.
جارىس ناتيجەسى بويىنشا باس جۇلدەنى سىرداريا اۋدانىنان كەلگەن ءالىمحان ءباھادۇروۆ جەڭىپ الدى.
قىزىلوردا