Tennis Europe ۇيىمى بيىل كۇزدە مونتە-كارلودا وتەتىن Junior Masters تۋرنيرىنە وراي بالعىن تەننيسشىلەردىڭ جاڭارتىلعان رەيتينگىن جاريالادى.
قتف ءباسپاسوز قىزمەتىنىڭ مالىمەتى بويىنشا, 14 جاسقا دەيىنگى تەننيسشىلەر اراسىندا جەرلەسىمىز زاڭعار نۇرلان ۇلى ادەتتەگىدەي كوش باستاپ كەلەدى. ونىڭ ەنشىسىندە 520 ۇپاي بار. جالپىەۋروپالىق رەيتينگتە زاڭعار 4-ورىندا تۇر. سونداي-اق دامير جالعاسباي مەن دانيەل تازابەكوۆ ءوز كورسەتكىشتەرىن جاقسارتتى. دانيەل 37-ءشى, دامير 39-ساتىعا كوتەرىلدى. جۋىردا ءۇندىستاندا 14 جاسقا دەيىنگىلەر اراسىندا ازيا/تىنىق مۇحيت ايماعى بويىنشا وتكەن الەم چەمپيوناتىنىڭ ىرىكتەۋ تۋرنيرىندە وسى تەننيسشىلەر 3-ورىنعا يە بولىپ, قازاقستان جاسوسپىرىمدەر قۇراماسىن تۇڭعىش رەت الەم چەمپيوناتىنىڭ فينالدىق كەزەڭىنە شىعارعان ەدى.
سونىمەن قاتار حالىقارالىق تەننيس فەدەراتسياسى دا 18 جاسقا دەيىنگى تەننيسشىلەردىڭ رەيتينگىن جاڭارتتى. مۇندا ۇزدىك 100 تەننيسشىنىڭ قاتارىندا قازاقستاننىڭ ەكى وكىلى بار. ءبىرى – ماكسيم باتيۋتەنكو (72-ورىن), ەكىنشىسى – ارۋجان ساعىندىقوۆا (77).