قازىرگى زاماندا ءبىز بارلىعىنا ءبىر يدەولوگيانى الىپ, سىڭىرە المايمىز. قازاقستان حالقى كۇردەلى, كوپتەگەن توپقا ءبولىندى, اڭگىمە تەك ەتنوستىق قۇرىلىم تۋرالى عانا ەمەس. بىزدە ءارتۇرلى ساياسي كوزقاراستار بار. وڭشىلدار, سولشىلدار, وقشاۋلانۋشىلار جانە گلوباليستەر.
مۇنداي قايشىلىق كوپ. بىراق مۇنداي جاعدايداعى ەڭ باستىسى – ەڭ الدىمەن ءبىز قازاقستاندىقتارمىز, سودان كەيىن عانا ساياسي پارتيالاردىڭ, قوعامدىق قوزعالىستاردىڭ نەمەسە م ۇلىك يەلەرى بىرلەستىكتەرىنىڭ مۇشەلەرىمىز دەگەن نەگىزگى تۇسىنىك. ازاماتتىق بىرەگەيلىك باسقالارىنان بيىك بولۋى ءۇشىن ءبىز الەۋمەتتىك ءتارتىپ نەگىزدەرىنە جۇگىنۋىمىز كەرەك.
قازاقستاندىقتاردىڭ كوبى قازاقستاندى بولاشاقتا ازاماتتاردىڭ باسىم بولىگى قازاق, ورىس جانە اعىلشىن تىلدەرىن بىلەتىن كوپۇلتتى ەل رەتىندە كورەدى. وكىنىشكە قاراي, ازاماتتار اراسىندا سەنىم جوق. زەرتتەۋلەر كورسەتكەندەي, ەكونوميكالىق ءوسۋ مەن ومىرگە قاناعاتتانۋ دەڭگەيى قوعامداعى سەنىم دەڭگەيىنە بايلانىستى.
ءبىز بيلىك ينستيتۋتتارىنا عانا ەمەس, تۇرعىن ءۇي كەشەنىندەگى كورشىلەرگە دە سەنبەيمىز. باسقا ەتنوستار مەن دىندەردىڭ وكىلدەرى ءجيى سەنىمسىزدىك تۋدىرادى. سەنىمدىلىكتى ارتتىرۋ ءۇشىن قانداي قۇرالداردى قولدانا الامىز؟ سەنىم اۋىزشا ارالاسۋ ارقىلى قالىپتاسپايدى. ادامدارعا دۇرىس كوزقاراس قالىپتاستىرۋ ءۇشىن الەۋمەتتىك ورتانى وزگەرتۋىمىز كەرەك. وسى جىلى باستى مەملەكەتتىك باسىمدىققا اينالدىرعان ساياسي رەفورمالار وسى باعىتتا جۇمىس ىستەۋدە. كونستيتۋتسياعا ەنگىزىلگەن تۇبەگەيلى وزگەرىستەر ساياسي جۇيەمىزدىڭ ساپاسىن جاڭارتادى. جەرگىلىكتى جەرلەردە جانە رەسپۋبليكالىق دەڭگەيدە بيلىكتىڭ وكىلدى تارماعىن كۇشەيتۋ كەڭ ازاماتتىق ءوزارا ءىس-قيمىل جاساۋ ءۇشىن ارنا قۇرادى. يدەولوگيالىق قارسىلاستار تۋرالى يلليۋزيالارمەن جانە ستەرەوتيپتەرمەن ءومىر سۇرگەن ءارتۇرلى توپ ءماجىلىس پەن ءماسليحاتتاردا كەزدەسەدى. بۇل مەملەكەت پەن قوعامنىڭ قارىم-قاتىناسىن تولىعىمەن وزگەرتەدى.
نيكيتا شاتالوۆ,
ساياسي شولۋشى