كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتا بيۋروسىنىڭ كەزەكتى وتىرىسى ءوتتى. وندا ءماجىلىستىڭ جالپى وتىرىسىنا شىعارىلاتىن ماسەلەلەر سارالاندى.
دەپۋتاتتاردىڭ تالقىسىنا كەيبىر زاڭنامالىق اكتىگە مۇناي جانە مۇناي ونىمدەرىنىڭ اينالىمى سالاسىندا مەملەكەتتىك باقىلاۋدى كۇشەيتۋ ماسەلەلەرىنە قاتىستى زاڭ جوباسى ەكىنشى وقىلىمدا ۇسىنىلاتىن بولدى. بۇل جونىندە زاڭناما جانە سوت-قۇقىقتىق رەفورما كوميتەتى ءمالىم ەتتى.
سونىمەن قاتار, ەكولوگيا ءماسەلەلەرى جانە تابيعات پايدالانۋ كوميتەتى ءورت قاۋىپسىزدىگىنە قاتىستى زاڭ جوباسى بويىنشا ءماجىلىس پەن سەنات اراسىنداعى كەلىسپەۋشىلىكتەردى ەڭسەرۋ جونىندەگى كەلىسىم كوميسسياسىنىڭ ۇسىنىستارى تۋرالى مالىمەت بەردى.
بيۋرو وتىرىسىندا دەپۋتاتتىق كورپۋستىڭ زاڭ شىعارۋشىلىق قىزمەتىنە قاتىستى باسقا دا ماسەلەلەر قارالدى.
“ەگەمەن-اقپارات”.