التىننان, كۇمىستەن القا تاقتى. قاراعاندىدا بۇل بيىك قۇرمەتكە بولەنگەن ايەلدەر قاتارى 61 انامەن تولىقتى.
جەتى جانە التى بالاعا الەمنىڭ جارىعىن سىيلاۋشىلار شاھاردىڭ ەڭ اسەم دەمالۋ ورنىنا ارنايى شاقىرىلىپ, سالتاناتتى جاعدايدا ماراپاتتالدى. قالا اكىمى باۋىرجان ابدىشەۆ 27 اناعا “التىن القانى”, 34 اناعا “كۇمىس القانى” تابىس ەتتى. ءبىر ۋاق كۇندەلىكتى قارەكەتتەن قولدارى بوساپ, ونەرپازداردىڭ ءان مەن كۇيدەن شاشۋىنا كوڭىلدەرى وسكەن كوپبالالى انالار ءبىر جاساپ قالدى. قازىر قالا بويىنشا 90 انانىڭ كەۋدەسىندە وسىنداي القالار جارقىرايدى. كەيىنگى ءۇش-ءتورت جىلدا شاھاردا شاتتىعى شالقىعان كوپبالالى شاڭىراقتار سانى ارتا تۇسكەن.
ايقىن نەسىپباي, قاراعاندى.
قاراجاتتىڭ يگەرىلۋى قارالدى. وتكەن جۇمادا وبلىس اكىمىنىڭ ءبىرىنشى ورىنباسارى ماديار الدوڭعاروۆتىڭ توراعالىق ەتۋىمەن داعدارىسقا قارسى شارالاردى جۇزەگە اسىرۋ ءۇشىن بولىنگەن بيۋدجەت قاراجاتىن تولىق, ءتيىمدى جانە ماقساتتى پايدالانۋ جونىندەگى وبلىستىق كوميسسيانىڭ كەزەكتى وتىرىسى بولدى. وتىرىستا “جول كارتاسى” باعدارلاماسىنىڭ ينۆەستيتسيالىق جوبالار باعىتى بويىنشا جوسپارلانعان قاراجاتتارعا وتكىزىلگەن مەملەكەتتىك ساتىپ الۋدىڭ قورىتىندىلارى, الەۋمەتتىك جۇمىس ورىندارى مەن جاس كادرلاردى دايىنداۋعا, قايتا دايارلاۋعا بولىنگەن قاراجاتتىڭ يگەرىلۋى قارالدى. ايماقتا 5291 جاڭا جۇمىس ورنىن اشۋعا مۇمكىندىك تۋعىزاتىن 128 جوبانى جۇزەگە اسىرۋ باعىتىنداعى جۇمىستار باستالىپ تا كەتكەن. وتكەن جۇمادا وبلىس اكىمىنىڭ ءبىرىنشى ورىنباسارى ماديار الدوڭعاروۆتىڭ توراعالىق ەتۋىمەن داعدارىسقا قارسى شارالاردى جۇزەگە اسىرۋ ءۇشىن بولىنگەن بيۋدجەت قاراجاتىن تولىق, ءتيىمدى جانە ماقساتتى پايدالانۋ جونىندەگى وبلىستىق كوميسسيانىڭ كەزەكتى وتىرىسى بولدى. وتىرىستا “جول كارتاسى” باعدارلاماسىنىڭ ينۆەستيتسيالىق جوبالار باعىتى بويىنشا جوسپارلانعان قاراجاتتارعا وتكىزىلگەن مەملەكەتتىك ساتىپ الۋدىڭ قورىتىندىلارى, الەۋمەتتىك جۇمىس ورىندارى مەن جاس كادرلاردى دايىنداۋعا, قايتا دايارلاۋعا بولىنگەن قاراجاتتىڭ يگەرىلۋى قارالدى. ايماقتا 5291 جاڭا جۇمىس ورنىن اشۋعا مۇمكىندىك تۋعىزاتىن 128 جوبانى جۇزەگە اسىرۋ باعىتىنداعى جۇمىستار باستالىپ تا كەتكەن.
ەركىن ءابىل, قىزىلوردا.
باتىر تويىنا دايىندىق پىسىقتالدى. باۋىرجان مومىش ۇلىنىڭ تۋعانىنا بيىل 100 جىل تولادى. مەرەيتوي يۋنەسكو شەڭبەرىندە اتاپ وتىلەتىن بولعاندىقتان, ونى قازاقستاندىقتاردىڭ عانا ەمەس, سونىمەن بىرگە, كوزى اشىق, كوكىرەگى وياۋ كۇللى الەم جۇرتشىلىعىنىڭ قۋانىشى دەۋگە دە بولعانداي. دەگەنمەن, “تاس تۇسكەن جەرىنە اۋىر” دەيدى حالىق. مەرەيتوي الدىنداعى سالماق, اسىرەسە, قاھارمان دۇنيەگە كەلگەن ءوڭىر باسشىلىعىنا تۇسەرى انىق. وبلىس اكىمى قانات بوزىمباەۆ وتكەن اپتادا جۋالى اۋدانىندا بولىپ, ونداعى باتىر تويى قارساڭىنداعى دايىندىق بارىسىمەن تانىستى. اۋدان اكىمى باعلان قاراشولاقوۆتىڭ ايتۋىنشا, بۇگىندە باتىر تويىنا دايىندىق جۇمىستارى جاقسى جۇرگىزىلىپ جاتىر.
كوسەمالى ساتتىباي ۇلى, جامبىل وبلىسى.
قوس كىتاپتىڭ تۇساۋكەسەرى. وبلىستىق مۇراعات جانە قۇجاتتامالار باسقارماسى قىزىلجار ءوڭىرىنىڭ تاريحىنان سانالۋان سىر شەرتەتىن قوس كىتاپتىڭ تۇساۋكەسەرىن وتكىزدى. ءبىرىنشى تۋىندى “سولتۇستىك قازاقستان وبلىسى ۇلى وتان سوعىسى جىلدارىندا” دەپ اتالادى. وندا مايدان مەن تىلدا ەرەن ەرلىكتىڭ ۇلگىلەرىن كورسەتكەن سولتۇستىكقازاقستاندىقتار تۋرالى تىڭ دەرەكتەر ۇسىنىلعان. كەڭەس وداعىنىڭ باتىرلارى مەن “داڭك” وردەنىنىڭ تولىق كاۆالەرلەرى جايلى دا كەڭ ماعلۇماتتار بەرىلگەن. ەكىنشى جيناق وبلىستىڭ, اۋداننىڭ ءبىرىنشى باسشىلارى جايلى ومىرباياندىق انىقتاما تۇرىندە قۇراستىرىلعان. وندا ءار جىلدارى باسشىلىق قىزمەت اتقارىپ, وبلىس ەكونوميكاسىنا زور ۇلەس قوسقان م.امموسوۆ, ج.قيزاتوۆ, ە.اۋەلبەكوۆ, ج.تاشەنوۆ, م.ساعديەۆ, ۆ.دەميدەنكو, ن.بولاتباەۆ, ف.مورگۋن, تاعى باسقا ايتۋلى تۇلعالار, قوعام قايراتكەرلەرى جونىندە باياندالادى.
ءومىر ەسقالي, سولتۇستىك قازاقستان وبلىسى.
ارداگەر ەسىمى ۇمىتىلمايدى. ۇلى وتان سوعىسىنا قاتىناسقاندار اراسىندا مۇنايشىلار دا بار. سولاردىڭ ءبىرى – وسپان ءشارىم ۇلى. ول مۇناي-گاز ونەركاسىبى سالاسىنداعى جۇمىسىن العاشىندا اعاش ۇستاسى بولىپ باستاعان ەكەن. سوعىستان “قىزىل جۇلدىز” وردەنىمەن ورالعان مۇناي ونەركاسىبىن وركەندەتۋ ءۇشىن ەسكەنە كاسىپشىلىگىندە ءتۇرلى قىزمەتتەر اتقارعان. كۇردەلى جوندەۋ تسەحىندا, بەنزين زاۋىتىندا تىنىمسىز ەڭبەكتەنىپ, جاستارعا ءوزىنىڭ تاجىريبەسىن ۇيرەتۋدەن جالىقپاعان. وتكەن اپتادا ارداگەر-مۇنايشىنىڭ ەسىمى دوسسور كەنتىندەگى ۇلكەن كوشەنىڭ بىرىنە بەرىلدى. وسىعان وراي وتكەن سالتاناتتا ماقات اۋدانىنىڭ اكىمى سىرىم رىسقاليەۆ, ۇلى يباعالي ءشارىموۆ, جازۋشى امانكەلدى جىلقىشيەۆ جانە وسپان قارتتىڭ تاربيەسىن كورگەن مۇنايشىلار ەستەلىكتەر ايتتى.
جولداسبەك شوپەعۇل, اتىراۋ وبلىسى.
رەسپۋبليكالىق كوشپەلى سەمينار. سالاماتتى ءومىر سالتىن قالىپتاستىرۋ ارقىلى ادام دەنساۋلىعىن نىعايتۋ ماسەلەسىنە ەرەكشە نازار اۋدارىلۋى ءتيىس. وسى ماقساتتى كوزدەگەن ەكى كۇندىك رەسپۋبليكالىق كوشپەلى سەمينار تالدىقورعاندا ءوتىپ, ونى دەنساۋلىق ساقتاۋ مينيسترلىگى ۇلتتىق سالاماتتى ءومىر سالتىن قالىپتاستىرۋ ورتالىعىنىڭ ماماندارى ۇيىمداستىردى. سەميناردا انا مەن بالا دەنساۋلىعىن قورعاۋ, دۇرىس تاماقتانۋ, جۇقپالى اۋرۋلاردىڭ الدىن الۋ ماسەلەلەرى جايلى جۇرتشىلىقپەن كەڭىنەن پىكىر الماسىلىپ, ونىڭ ناقتى جولدارى ورتاعا سالىندى. قازىرگى كەزدە وڭىردەگى اۋداندار مەن قالالاردا اتالعان ورتالىقتار جۇمىس ىستەسە, “دوس” جاستار دەنساۋلىعىن قورعاۋ ورتالىعىنىڭ جۇمىسىنا جاقسى باعا بەرىلىپ, ونىڭ تاجىريبەسى كەڭىنەن ناسيحاتتالدى. سوڭعى كۇنى تىڭداۋشىلارعا سەرتيفيكاتتار تاپسىرىلىپ, بەلسەندىلەر ماراپاتتالدى.
كۇمىسجان بايجان, الماتى وبلىسى.
“پويىزدان ساقتان” ايلىعى. ءسىبىر مەن ورتالىق ازيانى جالعاستىرىپ جاتقان سەمەيدى توعىز جولدىڭ تورابى دەسە دە بولادى. بۇرىنعىدان الدەقايدا ازايىپ كەتتى دەگەننىڭ وزىندە بۇل قالانىڭ ۇستىنەن كۇنىنە الدەنەشە جۇك جانە جولاۋشى پويىزدارى ءوتىپ جاتادى. سوعان وراي, وقىس وقيعالار دا ءجيى كەزىگەدى. ايتالىق, جىل ىشىندە تەمىر جول بويىندا بەس ادام مەرت بولعان. سونىڭ ءبارى ەكى جاقتان دا ساقتىق شارالارىنىڭ تومەندىگىنەن بە دەيمىز. وسىنى ەسكەرگەندىكتەن, قازىردە مۇندا “پويىزدان ساقتان” دەگەن اتپەن ايلىق وتكىزىلۋدە. ايلىق بارىسىندا ءتارتىپ ساقشىلارى بولات جول بويىندا, وقۋ ورىندارىندا قالا تۇرعىندارىمەن, ونىڭ ىشىندە, اسىرەسە, جول ءتارتىبىن ساقتاي بەرمەيتىن جاستارمەن تۇسىنىكتەمە جۇمىستارىن جۇرگىزۋدە.
داۋلەت سەيسەن ۇلى, سەمەي.