نۇر-سۇلتاندا ماس ەر ادام قوعامدىق كولىكتىڭ تەرەزەلەرىن اپات كەزىندە قولداناتىن بالعامەن سىندىرىپ تاستاعان, دەپ حابارلايدى Egemen.kz.
وقيعا 17 ساۋىردە بولعان.
«جولاۋشى ماس كۇيىندە اۆاريالىق بالعامەن №7 باعدارداعى ەلەكتر اۆتوبۋسىنىڭ تەرەزەلەرىن سىندىردى. پوليتسيا قىزمەتكەرلەرى جانجال شىعارعان جولۋاشىنى ۇستادى. ءمان-جايلار انىقتالۋدا. وسى جاعدايعا بايلانىستى اۆتوبۋس جەلىدە ءجۇرۋدىڭ ورنىنا, قاجەتتى قوسالقى بولشەكتەردى ساتىپ الۋ جانە ونى اۋىستىرۋ ءۇشىن جوندەۋ جۇمىستارىن جۇرگىزۋگە ءماجبۇر», دەپ جازىلعان ەلورداداعى جولاۋشىلار تاسىمالىنا جاۋاپتى كومپانيانىڭ حابارلاماسىندا.