قازاقستاندىق بوكسشى سۇلتان زاۋىربەك (12-0, 8 كو) مالتالىق حايتەم لامۋزبەن (17-1, 7 كو) جۇدىرىقتاسادى. بۇل زاۋىربەك ءۇشىن تاريحي جەكپە-جەك بولادى, دەپ حابارلايدى Egemen.kz Prosports.kz پورتالىنا سىلتەمە جاساپ.
زاۋىربەك ۇلىبريتانيا اۋماعىندا العاش رەت تيتۋلدى جەكپە-جەك وتكىزەدى. 25 جاستاعى بوكسشى ۇلىبريتانيادا بەس رەت جەكپە-جەككە شىققان ەدى. ول كارەراسىنداعى ءۇش تيتۋلدى جەكپە-جەكتى الماتىدا وتكىزگەن بولاتىن.
لوندونداعى كەزدەسۋ 15 ساۋىردە وتەدى, بوكسشىلار ەكىنشى جارتىلاي جەڭىل سالماقتاعى WBO European چەمپيونى تيتۋلىن ساراپقا سالادى.
ەسكە سالساق, سۇلتان زاۋىربەك كەيىنگى رەت رينگكە بىلتىر جەلتوقساندا شىعىپ, ۇلىبريتانيالىق رايان ۋيلەردى (16-2-1, 0 كو) التىنشى راۋندتا نوكاۋتقا تۇسىرگەن بولاتىن.