قاڭتار وقيعاسى كەزىندە قارۋ-جاراق دۇكەنىنە تۇسكەن 41 جاستاعى الماتى وبلىسىنىڭ تۇرعىنى ءۇش جىلعا سوتتالدى, دەپ حابارلايدى Egemen.kz.
2022 جىلى 5 قاڭتار كۇنى كەشكە الماتى وبلىسى گۇلدالا اۋىلىنىڭ 41 جاستاعى تۇرعىنى الماتى قالاسىنداعى قارۋ-جاراق دۇكەنىنەن قۇنى 724 359 تەڭگە تۇراتىن Infiray Tube وپتيكالىق كوزىلدىرىكتى, 14 188 تەڭگە تۇراتىن Bushnell تەپلوۆيزورىن, 16 000 تەنگە تۇراتىن ءتورت وفيتسەرلىك بەلبەۋدى ۇرلاپ كەتكەن. سوت بۇل ارەكەتتەردى قر قىلمىستىق كودەكسىنىڭ 188 باپ 3-بولىگى, 3-تارماعى بويىنشا سارالادى.
سوت بارىسىندا ايىپتالۋشى ءوز كىناسىن تولىعىمەن مويىنداپ, جاساعان ارەكەتىنە وكىنىش ءبىلدىردى. كەلتىرىلگەن زالال ءوندىرىلدى. اتالمىش باپ بويىنشا جازا ەكى جىلدان جەتى جىلعا دەيىنگى مەرزىمگە باس بوستاندىعىن شەكتەۋدى نەمەسە سول مەرزىمگە باس بوستاندىعىنان ايىرۋدى كوزدەسە, وندا كىناسىن مويىنداۋدى, وكىنۋدى, جابىرلەنۋشىلەرگە كەلتىرىلگەن زياندى ەرىكتى تۇردە وتەۋىن ەسكەرە وتىرىپ, سوت ءۇش جىل مەرزىمگە دەيىن باس بوستاندىعىنان ايىردى», دەپ مالىمدەدى الماتى قالالىق سوتىنىڭ ءباسپاسوز قىزمەتى.
سوتتالعان ازامات پەن ونىڭ قورعاۋشىسى ۇكىمىمەن كەلىسە وتىرىپ, وعان شاعىمدانباۋ تۋرالى شەشىم قابىلدادى.
ۇكىم زاڭدى كۇشىنە ەندى.