سەيسەنبى جانە سارسەنبى كۇندەرى فۋتبولدان چەمپيوندار ليگاسىنىڭ شيرەك فينالدىق باسەكەلەرىنىڭ العاشقى ماتچتارى ءوتتى.
ءبىرىنشى كۇنگى ويىنداردا «مانچەستەر سيتي» ءوز الاڭىندا ءمادريدتىڭ «اتلەتيكوسىن» قابىلداپ, دە بريۋينەنىڭ جالعىز گولىنىڭ ارقاسىندا جەڭىسكە جەتسە, «ليۆەرپۋل» پورتۋگاليادا «بەنفيكا» كلۋبىنان باسىم ءتۇستى – 1:3. كوناتە, مانە جانە دياستىڭ گولدارىنا الاڭ يەلەرى ساپىنان نۋنەس ءبىر گولمەن جاۋاپ قايتاردى. قارىمتا كەزدەسۋلەر 13 ساۋىرگە جوسپارلانعان.
شيرەك فينالدىڭ ورتالىق كەزدەسۋى سانالعان ەكىنشى ويىن كۇنىندەگى ماتچتا «رەال» لوندوندا ءتۋرنيردىڭ قازىرگى جەڭىمپازى «چەلسيدى» كارىم بەنزەمانىڭ حەت-تريگى ارقاسىندا 3:1 ەسەبىمەن ۇتتى. «چەلسي» كلۋبىنان كاي حاۆەرتتس مەرگەندىگىمەن كوزگە ءتۇستى. قاتار وتكەن ەكىنشى ماتچتا «باۆاريا» قوناقتا «ۆيلياررەالدان» جەڭىلىپ قالدى. جالعىز گولدىڭ اۆتورى – ارنو دانجۋما. بۇل تورتتىكتىڭ جاۋاپ ويىنى 12 ساۋىردە وتەدى.