جىگىتتەر جاراپ تۇر

ءتۋرنيردىڭ ءبىرىنشى راكەتكالارى بولىپ تىركەلگەن اندرەي گولۋبەۆ فرانتسيالىق فابريس مارتەنمەن بىرگە باستاپقى كەزدەسۋىندە ني­دەر­لاندتىق تاللون گريكسپۋر-بوتيك ۆان دە زاند­شۋلپپەن شەبەرلىك بايقاستى. تارتىستى وتكەن ماتچتىڭ ءبىرىنشى پارتياسىندا نيدەرلاندتىق جۇپ تاي-برەيكتە ءساتتى وينادى – 7:6 (8:6). ەكىنشىسىندە گولۋبەۆ پەن مارتەن ەسە قايتاردى – 7:6 (7:2). سوسىن سۋپەر تاي-برەيكتە مىقتىلىق تانىتىپ, قارسىلاستارىنان جەڭىستى ج ۇلىپ الدى – 10:6. ەكى ساعاتقا سوزىلعان باسەكە بارىسىندا قازاقستاندىق-فرانتسيالىق جۇپ 2 ەيس جاساپ, 3 برەيك-پوينتتىڭ بىرەۋىن پايدالاندى. قارسىلاستارى 3 ەيس, 1 برەيكپەن (2 برەيك-پوينت) كوزگە ءتۇستى.

پاكىستاندىق ايسام كۋرەشيمەن بىرگە جۇپ قۇراپ ونەر كورسەتىپ جاتقان الەكساندر نەدوۆەسوۆ دودانىڭ 2-راكەتكالارى بەلگيالىق ساندەر جيللە-يوران فليگەندى ءبىر ساعاتتان ءسال استام ۋاقىتتا 6:3, 6:4 ەسەبىمەن تىزە بۇكتىردى. نەدوۆەسوۆ پەن كۋرەشي 4 ەيسپەن بىرگە 3 برەيك-پوينتتىڭ ەكەۋىن ءوز ەسەبىنە جازدى. بەلگيالىق جۇپ 4 ەيسپەن شەكتەلدى. قازاقستاندىقتاردىڭ شيرەك فينالداعى قارسىلاستارى كەيىن انىقتالادى.