رەسەيلىك «اەروفلوت» اۆياكومپانياسى 23 ساۋىردەن باستاپ ماسكەۋدەن قازاقستاننىڭ التى قالاسىنا تىكەلەي تۇراقتى رەيستەردى ىسكە قوسادى. بۇل رەتتە سوچيگە بۇرىن جوسپارلانعان رەيستەر توقتاتىلادى, دەپ حابارلايدى Egemen.kz تاسىمالداۋشىنىڭ رەسمي سايتىنا سىلتەمە جاساي وتىرىپ.
الماتى, نۇرسۇلتان, اقتاۋ, اتىراۋ, اقتوبە جانە قاراعاندىعا ۇشاتىن رەيستەردىڭ وپەراتورى رەتىندە رەسەي اۆياكومپانياسى ارەكەت ەتەدى. رەيستەر وتاندىق Superjet 100 ۇشاقتارىندا ورىندالاتىن بولادى. سايتتا اتاپ وتىلگەندەي, قازاقستانعا ۇشۋدىڭ قولدانىستاعى كەستەسى اۆياكومپانيانىڭ سايتىندا ورنالاستىرىلعان. باستى بەتتە قازاقستاننىڭ 11 قالاسىنا ۇشۋدى تاڭداۋعا بولادى.
7-22 ءساۋىر ارالىعىندا اقتاۋ, اتىراۋ جانە اقتوبەدەن سوچيگە جوسپارلانعان اۋە رەيستەرى توقتاتىلادى. ال 23 ساۋىردەن باستاپ سوچي مەن الماتى, نۇر-سۇلتان اراسىنداعى ۇشاقتار ۇشا باستايدى.
بۇعان دەيىن رەسەيلىك اۆياكومپانيا 25 ناۋرىزدان باستاپ سوچيدەن اقتاۋ, اقتوبە, الماتى, اتىراۋ جانە نۇر-سۇلتان قالالارىنا رەيستەردىڭ ىسكە قوسىلاتىنىن حابارلاعان بولاتىن.