قىزىلوردادا جوعارى وقۋ ورىندارى, تەحنيكالىق جانە كاسىپتىك ءبىلىم بەرۋ ۇيىمدارىنىڭ ءبىلىم الۋشىلارى اراسىندا بوكستان وبلىستىق اشىق بىرىنشىلىك اياقتالدى. قورقىت اتا اتىنداعى قىزىلوردا ۋنيۆەرسيتەتى ۇيىمداستىرعان شاراعا وبلىستىق ءبىلىم, دەنەشىنىقتىرۋ جانە سپورت باسقارمالارى, قالالىق ءماسليحات قولداۋ تانىتتى.
ءتورت كۇنگە سوزىلعان بىرىنشىلىك جەڭىمپازدارىن ماراپاتتاۋ سالتاناتىندا ۋنيۆەرسيتەتتىڭ باسقارما توراعاسى – رەكتورى بەيبىتكۇل كارىموۆا 2005 جىلى اشىلعان بوكس ۇيىرمەسى تالانتتى جاستاردىڭ توپ جارۋىنا مۇمكىندىك بەرگەنىن اتاپ ءوتتى.
– بوكستان توكيو وليمپياداسىنىڭ جۇلدەگەرى قامشىبەك قوڭقاباەۆ, الەم چەمپيوناتىنىڭ قولا جۇلدەگەرى, كاسىپقويلار اراسىندا ءبىرىنشى ورتا سالماقتا WBC International تۇجىرىمداماسىنىڭ چەمپيونى تۇرسىنباي قۇلاحمەت, ازيا چەمپيونى نۇرلان ماسەنوۆ ۋنيۆەرسيتەت ماقتانىشى, – دەدى بەيبىتكۇل سارسەمحانقىزى.
وبلىستاعى ءبىلىم بەرۋ ۇيىمدارىنان 16 سالماق دارەجەسىندە 16 كوماندا قاتىسقان بىرىنشىلىكتە جالپىكوماندالىق ەسەپ بويىنشا قورقىت اتا اتىنداعى قىزىلوردا ۋنيۆەرسيتەتى سپورتشىلارى 29 مەدال ەنشىلەپ, ءبىرىنشى ورىن تۇعىرىنان كورىندى. ءجالاڭتوس ءباھادۇر اتىنداعى وليمپيادالىق رەزەرۆتىڭ وبلىستىق مامانداندىرىلعان مەكتەپ-ينتەرنات-كوللەدجى كومان-
داسى ءىى ورىن, بولاشاق ۋنيۆەرسيتەتىنىڭ كومانداسى ءىىى ورىن يەلەندى.
سپورتتىق شارادا الەم چەمپيوناتىنىڭ قولا جۇلدەگەرى تۇرسىنباي قۇلاحمەت ۋنيۆەرسيتەتتىڭ «ۇزدىك تۇلەك» مەدالىمەن ماراپاتتالدى.
قىزىلوردا