قازاقستاندىق تەننيسشى الەكساندر نەدوۆەسوۆ يسپانيانىڭ ماربەليا قالاسىندا ءوتىپ جاتقان حالىقارالىق چەللەندجەر ءتۋرنيرىنىڭ فينالىنا شىعا المادى.
اتالعان تۋرنيردە پاكىستاندىق ايسام كۋرەشيمەن جۇپ قۇراپ ونەر كورسەتكەن جەرلەسىمىز جارتىلاي فينالدا وسى جارىستىڭ ءتورتىنشى ءنومىرلى تەننيسشىلەرى رومان جەباۆى (چەحيا) مەن فيليپپ وسۆالدتان ەكى سەتتە 4:6, 3:6 ەسەبىمەن جەڭىلىپ قالدى. الەكساندر نەدوۆەسوۆ پەن ايسام كۋرەشي ءتۋرنيردىڭ ءبىرىنشى راكەتكاسى رەتىندە تىركەلگەن بولاتىن.
نەدوۆەسوۆ پەن كۋرەشي شيرەك فينالدا يسپانيالىق پابلو اندۋحار جانە كەزىندە جەكەلەي سىندا ءۇش مارتە «ۇلكەن دۋلىعا» جارىسىنىڭ جەڭىمپازى اتانعان شۆەيتساريالىق ستانيسلاس ۆاۆرينكادان باسىم تۇسكەن بولاتىن. الەكساندر مەن ايسام ءبىرىنشى پارتيادا قارسىلاستارىن بەت قاراتپاي ۇتتى – 6:1. ەكىنشى سەت تاعدىرى تاي-برەيكتە شەشىلىپ, قازاقستاندىق-پاكىستاندىق جۇپ جەڭىستى ج ۇلىپ الدى – 7:6 (7:1).