ەكى مىڭ گەكتار جەر مەملەكەتكە قايتارىلدى

وبلىس باسشىسى گۇلشارا ابدىقا­­لىقوۆا اكىمدىك تاراپى­نان اۋىل شارۋا­شىلىعى مينيس­تر­لىگىنە جەردى مەملەكەت مەنشىگىنە قايتارۋ تۋرالى بىرنەشە رەت ۇسى­نىس جاسالعانىن ايتىپ ءوتتى. ەندى شىعىن كولەمى انىقتالىپ, ءتيىستى ساراپتاما جۇرگىزىلەدى. زاڭعا سايكەس تاراتۋ كوميسسياسى قۇرىلادى, ونىڭ قۇرامىنا بارلىق مۇددەلى ورگان مەن تۇرعىن كىرەدى. قاجەتتى راسىمدەر جۇرگىزىلگەننەن كەيىن تاجىريبەلىك شارۋاشىلىق جويىلىپ, ونىڭ جەرى جەرگىلىكتى اتقارۋشى ورگان تەڭگەرىمىنە قايتارىلادى.

مينيستر مەن اكىم قىركەڭسە اۋىل­دىق وكرۋگىندەگى «بەكارىس-س» شارۋا قوجالىعىنا بارىپ, كوك­تەمگى ەگىس بارىسىمەن دە تانىستى. بىلتىر كۇرىشتەن 57 تسەنتنەردەن ءونىم العان قوجالىق وسى جىلى جاڭا سورت ەكپەكشى.

وسى كۇنى اۋدان ورتالىعىندا كوكتەمگى ەگىس ناۋقانى مەن مال شا­رۋاشىلىعىن دامىتۋ ما­سە­لەلەرىنە ارنالعان جيىن وتكىزىلدى.

«بايتەرەك» ۇلتتىق باسقارۋ حول­دينگى» اق باسقارۋشى ديرەكتورى ايگۇل جۋانىشباەۆا, «قازاگروقارجى» اق باسقارما توراعاسى ايدار پراشەۆ, «اگرار­لىق نەسيە كورپوراتسياسى» اق باسقارما توراعاسىنىڭ ورىنباسارى اسىلحان جۇباشەۆ, اۋدانداعى شارۋاشىلىق يەلەرى قاتىسقان جيىندا وبلىس باسشىسى سۋدى مەيلىنشە از قاجەت ەتەتىن ءونىم تۇرىنە دەن قويۋ, ۇكى­مەت بەكىتكەن سۋ ليميتىنە قاراي ارە­­كەت ەتۋ, كانالداردى تازالاۋ, ناسوس قون­­دىر­عىلارىن ورناتۋ باعىتىنداعى جۇ­مىستاردى سارالادى.

– بيىل دا وتكەن جىلعىداي سۋ تاپ­شىلىعىن تارتاتىن ءتۇرىمىز بار. بۇل ەگىنمەن قاتار جايىلىمدىقتار مەن شابىندىقتاردى سۋلاندىرۋعا اسەر ەتەتىنى ءسوزسىز. وسىعان بايلانىستى ۇكى­مەت رەزەرۆىنەن بولىنگەن قاراجاتقا 21 كانال تازالاپ, 52 ۇڭعىمانى جوندەۋ جانە بۇرعىلاۋ, 133 دانا ناسوس قوندىرعىسىن الۋ جوسپارىمىزدا بار. وسىعان بايلانىستى ەلدەگى شارۋالارمەن كەزدەسىپ, ليميت اياسىندا ەگىلەتىن ءونىم كولەمىن ناقتىلاۋدا ورتاق شەشىمگە كەلۋ ءۇشىن تالقىلاۋلار ۇيىمداستىردىق. وڭتۇستىك اۋدانداردا كوكونىس شىعىمى جوعارى. «بايقوڭىر» اكك» اق-مەن بىرلەسىپ, قاجەتتى كارتوپ, ءسابىز, پياز جانە باسقا دا ونىمدەردى ەگىپ, تۇراقتاندىرۋ قورىنا ۇسى­نىپ, سىرتتان ءونىم الۋعا دەگەن تاۋەل­دىلىكتى ازايتۋعا جۇمىس ىستەگەنىمىز ءجون, – دەدى گ.ابدىقالىقوۆا.

جيىندا ءتيىستى باسقارما باسشىلارى ۆەگەتاتسيالىق كەزەڭدە ىسكە اسىرىلۋعا ءتيىس جۇمىستار جوسپارىن بايانداسا, جاڭاقورعان اۋدانىنىڭ اكىمى رۋسلان رۇستەموۆ ەگىسكە دايىندىق بارىسىن ايتىپ, كەلىنتوبە ماگيسترالدى كانا­لى­نىڭ باس ساعاسىنا سۋ توسپاسىن سالۋدى ۇسىندى. بىرقاتار شارۋا قوجالىق يەلەرى سۋبسيديا الۋ, جەمشوپ تاسىمالداۋ, سۋ قو­رىنا قاتىستى ساۋالدار قويىپ, ۇسىنىستارىن جەتكىزدى.

باسقوسۋدا كوتەرىلگەن ءاربىر ۇسىنىس­تى تىڭداي كەلە اۋىل شا­رۋاشىلىعى ءمينيسترى ەربول قارشوكەەۆ شارۋالاردى الاڭ­داتقان ماسەلەلەرگە قاتىستى ناقتى جاۋاپ بەردى.

– بيىل پرەزيدەنت تاپسىرماسى نەگىزىندە كوكتەمگى ەگىس جۇ­مىستارىنا بولىنەتىن قاراجات كولەمى ۇلعايدى. بى­رىنشىدەن, «كەڭ دالا» باعدارلاماسى ارقىلى جىل سايىن 70 ملرد تەڭگە قاراجات بولىنسە, وسى جىلى سونى ەكى ەسەگە ۇلعايتۋعا مۇمكىندىك العالى تۇر­مىز. ازىق-ت ۇلىك كەلىسىمشارت كورپوراتسياسى ارقىلى فورۆاردتىق ساتىپ الۋ ءۇشىن جىل سايىن 40 ملرد تەڭگە بولىنسە, ونىڭ كولەمىن 80 ملرد تەڭگەگە ۇلعايتىپ جاتىرمىز, – دەدى مينيستر.

بيىلعى كۇردەلى كەزەڭدى ەس­كەرىپ, سۋبسيديا الۋ ءتارتىبىنىڭ جاڭا ەرەجەسى كەلەسى جىلدىڭ 1 قاڭتارىنا قالدىرىلدى. دەمەك سۋبسيديا ەسكى جۇيە بويىنشا بەرىلەدى. وسى جىلى بۇل ءۇشىن 309 ملرد تەنگە اقشا قاراستىرىلعان ەدى. پرە­زيدەنت تاپسىرماسىنا سايكەس قاراجات كولەمىن 388 ملرد تەڭگەگە ۇلعايتۋ تۋرالى ۇسىنىس بەرىلدى. مينيستر بۇل بىلتىردان قالعان قارىزدى وتەۋگە مۇم­كىندىك بەرىپ, اۋىلشارۋاشىلىق ءونىمىنىڭ باعاسىن تۇراقتى ۇستاۋعا سەپ­تىگىن تيگىزەتىنىن اتاپ ءوتتى. سو­نىمەن بىرگە, سۋبسيديالاۋدىڭ بىر­ىڭعاي اق­پا­را­تىن ەنگىزەتىن جاڭا جۇيە دايىندالدى. ەندى فەرمەرلەردەن ارتىق قۇجات تالاپ ەتىلمەيدى. بارلىعى اۆتوماتتى تۇردە ىسكە اسىرىلادى.

ساپار سوڭىندا ەربول شى­راقپاي ۇلى شيەلى اۋدانىنداعى ء«مولدىر جانە ك» سەرىكتەستىگىنىڭ قۇس فەرماسىنا باردى. كاسىپكەر ناسىربەك مىرزابەكوۆ «بيز­نەستىڭ جول كارتاسى – 2020» مەم­لەكەتتىك باعدارلاماسى ارقىلى نەسيە الىپ, ءوندىرىس ورنىنداعى ەكىنشى تسەحتى ىسكە قوسقان. تاۋلىگىنە 20 مىڭ دانا جۇمىرتقا الاتىن فەرمادا الداعى ۋا­قىتتا قۇس ەتىن ءوندىرۋ جوسپارلانىپ وتىر.

قىزىلوردا وبلىسى