جولداۋدا حالىقتىڭ كوكەيىندە جۇرگەن وزەكتى ماسەلەلەردىڭ وڭ شەشىمىنە نەگىز بولاتىنداي ۇسىنىستار قامتىلدى. ەڭ ءبىرىنشىسى, قازاق ءۇشىن ءسۇيىنشى جاڭالىق – الاش زيالىلارىنىڭ نەگىزگى ساياسي ورتالىعىنا اينالعان سەمەي وڭىرىندە اباي وبلىسىنىڭ قۇرىلۋى.
ەكىنشىسى – ۇلىتاۋ وبلىسىنىڭ قۇرىلۋى. جەزقازعان ءوڭىرىنىڭ, ۇلىتاۋدىڭ تاريحي ادىلەتتىلىك ورناتۋ تۇرعىسىنداعى جالپى رۋحانيات الدىنداعى ءرولىن ۇلىقتاۋعا قاتىستى قادامدى دۇرىس دەپ ەسەپتەيمىن. بۇدان بولەك, قازىرگى تاڭدا حالقىمىزدىڭ الەۋمەتتىك پروبلەمالارىن شەشۋدە الماتى وبلىسىن جەتىسۋ جانە الماتى وبلىسى دەپ ەكىگە ءبولۋ – قۇپتارلىق ءىس.
شىنىن ايتساق, وسىنداي قادامدار ارقىلى الەۋمەتتىك ينفراقۇرىلىمدى جاقسارتۋعا, سول جەرلەردە مەكەندەگەن حالقىمىزدىڭ ءومىر ساپاسىن كوتەرۋگە قاتىستى ناقتى قادامدار جۇزەگە اسىرىلادى.
ماجىلىسكە قازىرگى تاڭدا 20 زاڭ قابىلداۋ تۋرالى ناقتى تاپسىرما بەرىلدى. بۇل – ۇلكەن جاۋاپكەرشىلىكتى ءىس. بۇدان بولەك, ءماجىلىستىڭ جالپى حالىق الدىنداعى جاۋاپكەرشىلىگىن ارتتىرۋ مەحانيزمدەرى ەنگىزىلدى. وسىعان بايلانىستى قازىر ماجىلىستە ەكى رەت رەسپۋبليكالىق بيۋدجەتتىڭ ورىندالۋى تۋرالى ەسەپ بەرىلۋى – رەسپۋبليكالىق بيۋدجەتتىڭ جۇمسالۋىن باقىلاۋدا, حالىقتىڭ مۇقتاجىنا سايكەس شەشىمدەردى جۇزەگە اسىرۋدا وتە قاجەت مەحانيزم. بۇعان دەيىن بىزدە ونداي مۇمكىندىك بولعان جوق. قۇجاتتى ءبىر رەت قانا قابىلدايتىنبىز. وسىلايشا, ءۇش جىلدىڭ بيۋدجەتىن بەكىتەتىن ەدىك. ەندى جىلىنا ەكى رەت ەسەپ بەرەدى. بۇل, بىرىنشىدەن, بيۋدجەتتى ناقتى نىساندارعا بولۋگە مۇمكىندىك جاسايدى. سونىمەن قاتار شۇعىل توتەنشە جاعدايلار كەزىندە بيۋدجەتتى يكەمدەۋگە جول اشادى.
تاعى ءبىر ماسەلە, «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس ءماجىلىس دەپۋتاتتارىنىڭ ابىرويى مەن جاۋاپكەرشىلىگىن ارتتىرۋ ماسەلەسى ايتىلدى. ەلىمىزدىڭ اماندىعىن, حالقىمىزدىڭ, تەرريتوريامىزدىڭ, مەملەكەتتىلىگىمىزدىڭ تۇتاستىعىن ساقتاۋدا بىرلەسە جۇمىس ىستەۋىمىز قاجەت. سونىمەن قاتار ءاربىر سوزىمىزگە, ىسىمىزگە جاۋاپكەرشىلىكپەن قاراۋىمىز كەرەك. الداعى ۋاقىتتا دەپۋتاتتار 20 زاڭ جوباسىن تالقىلاپ, ولاردى قابىلداۋعا بايلانىستى ءتيىمدى جۇمىستار جۇرگىزەدى.
جۇلدىز سۇلەيمەنوۆا,
ءماجىلىس دەپۋتاتى