قازاقستان رەسپۋبليكاسى كونستيتۋتسياسىنىڭ 15 جىلدىعى مەن ەل تاۋەلسىزدىگىنىڭ 20 جىلدىق مەرەكەسى قارساڭىندا “نۇر وتان” حدپ وتانىمىزدىڭ قول جەتكەن ناقتى جەتىستىكتەرىن, ەلباسىنىڭ مەملەكەتتى قالىپتاستىرۋداعى وراسان ەڭبەكتەرىن اشىپ كورسەتەتىن كەڭ كولەمدەگى ءىس-شارالار جۇرگىزۋدە.
اتالعان شارا اياسىندا “نۇر وتان” پارتياسىنىڭ اقمولا وبلىستىق فيليالى “تاعىلىمدى كىتاپتار تارتۋى” اكتسياسىن ءوتكىزۋدە. يگى باستاما وبلىستىق, قالالىق جانە جوعارى وقۋ ورىندارى كىتاپحانالارىنا سان-سالالى تاقىرىپتاردى قامتيتىن ادەبيەتتەر مەن وقۋ قۇرالدارىن سالتاناتتى سىيعا تارتۋ ءراسىمىمەن باستالدى. فيليال ءتوراعاسىنىڭ ءبىرىنشى ورىنباسارى عالىم شويكين ماعجان جۇماباەۆ اتىنداعى عىلىمي-پراكتيكالىق كىتاپحاناسىنىڭ ديرەكتورى نۇريلا شاشكەنوۆاعا, كوكشەتاۋ قالالىق اقپاراتتىق-كىتاپحانا جۇيەسىنىڭ ديرەكتورى مانشۇك سايداليناعا, شوقان ءۋاليحانوۆ اتىنداعى مەملەكەتتىك ۋنيۆەرسيتەتتىڭ پرورەكتورى اماناي سەيىتقاسىموۆقا, اباي مىرزاحمەتوۆ اتىنداعى ۋنيۆەرسيتەتتىڭ وكىلى بالقيا بەكونوۆاعا كىتاپتار توپتاماسىن تابىس ەتتى. بۇل كوپتومدىق كىتاپتار “تاۋەلسىزدىك شەجىرەسى”, “ەلباسى جولدادى – ەلى قولدادى”, “الەم قازاقستان تۋرالى. الەم پرەزيدەنت تۋرالى”, “ەلمەن سىرلاسۋ” سەريالارىمەن جارىق كورگەن.
اسەم بەزەندىرىلگەن كىتاپتار قازاقستان تاۋەلسىزدىگىنىڭ العاشقى كۇندەرىنەن باستاپ اسا ماڭىزدى تاريحي وقيعالاردى حرونولوگيالىق تارتىپپەن باياندايتىندىقتان, بۇل دۇنيەلەردىڭ عىلىمي جانە تاربيەلىك قۇندىلىعى وراسان ەكەندىگى اتاپ كورسەتىلدى.
باقبەرگەن امالبەك,
اقمولا وبلىسى.