پرەزيدەنت قاسىم-جومارت توقاەۆ قازاقستان حالقىنا جولداۋىن جاريالاۋ ارقىلى ەلىمىزدىڭ ىشكى-سىرتقى ساياساتىنىڭ نەگىزگى باعىتتارى مەن ەكونوميكانى تۇراقتاندىرۋدىڭ باسىم تۇستارىن ناقتىلاپ بەردى.
حالىقارالىق ساياسات جاڭا تۋربۋلەنتتى كەزەڭگە اياق باسىپ, گەوساياسي پاراديگمالار وزگەرىسى مەملەكەتتەردىڭ ەكونوميكالىق جاعدايىنا تىكەلەي اسەر ەتىپ جاتقان كەزەڭدە ەلدىڭ ىشكى تۇتاستىعى مەن سىرتقى ساياساتىن تەڭگەرىمدى تۇردە ۇستاپ تۇرۋ وڭاي ەمەس.
جولداۋداعى ەڭ ماڭىزدى وقيعا – ۇلىستىڭ ۇلى كۇنى قارساڭىندا ەلىمىزدە جاڭادان اباي, ۇلىتاۋ جانە جەتىسۋ وبلىستارىنىڭ قۇرىلۋى. بۇل – تاريحي وقيعا! قازاقستانداعى جاڭا اكىمشىلىك-قۇرىلىمدىق وزگەرىستەر وڭىرلەر اراسىنداعى جاڭا بايلانىستاردىڭ جول اشىلۋى مەن ىشكى كوشى-قون قوزعالىسىنا وڭ اسەر ەتىپ, وڭىرلەردە جاڭا جۇمىس ورىندارىنىڭ اشىلۋىنا جانە كاسىپكەرلىكتىڭ دامۋىنا تىڭ سەرپىن بەرەتىنى انىق. ويتكەنى قۋاتتى قازاقستاندى قۋاتتى وڭىرلەر ارقىلى عانا قۇرۋعا بولادى.
ەلىمىزدىڭ دامۋ باعىتىنا جاڭا سەرپىن بەرەتىن وسى تاريحي قۇجاتتاعى نەگىزگى يدەيا «بۇل عالامدا قازاقستان ءوز حالقىنان باسقا ەشكىمگە كەرەگى جوق. ارينە دوستارىمىز از ەمەس. بىراق ءبىزدىڭ بۇگىنگى تىنىش ءومىرىمىزدى, تابىستارىمىزدى, تۇراقتى تىرشىلىگىمىزدى كورە المايتىن جاۋلار دا جەتكىلىكتى. ونى ەشقاشان ەستەن شىعارماۋ كەرەك. ءبىزدىڭ بولاشاعىمىز – ءبىزدىڭ عانا قولىمىزدا!» دەگەن جولداردا تۇر دەپ تۇسىنەمىن. بۇل – ەل بولاشاعىنا بەيجاي قارامايتىن ءاربىر ازاماتتىڭ قازىرگى ۇستانىمى بولۋعا ءتيىس.
ارينە, ساياسي رەفورمالاردى حالىقتىڭ قولداۋىنسىز ىسكە اسىرۋ مۇمكىن ەمەس. وسى جاعىنان العاندا ەل تاعدىرىنا بەي-جاي قارامايتىن ازاماتتارىمىزدىڭ ۇسىنىس-تالاپتارى ساياسي پارتيالار مەن قوعامدىق ۇيىمدار ارقىلى ءماسليحات مىنبەلەرىندە كورىنۋگە ءتيىس. وسى جاعىنان العاندا ءوڭىر تۇرعىندارىنىڭ بارلىق ماسەلەلەرى, تالاپ-تىلەكتەرى جەرگىلىكتى دەپۋتاتتاردىڭ بەلسەندىلىگى مەن اتقارۋشى بيلىك وكىلدەرىنىڭ جاۋاپتىلىعى ارقىلى شەشىلەرى انىق. بارلىق دەڭگەيدەگى ءماسليحاتتاردىڭ ءرولىنىڭ كۇشەيۋىنە كوپپارتيالىق جۇيە, اكىمدەردى تاعايىنداۋ فۋنكتسياسىنا قاتىسۋ, قوعامدىق كەڭەستەردىڭ ءرولىن كۇشەيتۋ ارقىلى قول جەتكىزۋگە بولادى.
امانگەلدى نۇعمانوۆ,
اقتوبە وبلىستىق ءماسليحاتىنىڭ حاتشىسى