كوروناۆيرۋستىڭ الدىن الۋ جونىندەگى قاۋلىعا قول قويىلدى

قۇجاتقا سايكەس:

- بارلىق دەنساۋلىق ساقتاۋ ۇيىمدارىندا COVID-19 كلينيكالىق بەلگىلەرى بار پاتسيەنت انىقتالعان جاعدايدا ونى وقشاۋلاۋ ءۇشىن كورسەتىلەتىن مەديتسينالىق كومەكتىڭ ەرەكشەلىگىن ەسكەرە وتىرىپ, ءۇي-جايلار بولىنەدى;

- بارلىق مەديتسينالىق ۇيىمداردا قىزمەتكەرلەردىڭ, كەلۋشىلەردىڭ, پاتسيەنتتەردىڭ ماسكا كيىپ ءجۇرۋى تالاپ ەتىلەدى;

- بارلىق بوساندىرۋ جانە بالالار مەديتسينالىق ۇيىمدارىندا جرۆي, تۇماۋ, كوروناۆيرۋس ينفەكتسياسى بەلگىلەرى بار جۇكتى ايەلدەر, بوساناتىن, بوسانعان ايەلدەر جانە بالالار جاتقىزىلاتىن مامانداندىرىلعان بولىمشە ۇيىمداستىرىلادى;

- بوساندىرۋ جانە بالالار مەديتسينالىق ۇيىمدارىنا COVID-19 كلينيكالىق بەلگىلەرى بار جۇكتى ايەلدەر, بالالار شۇعىل جۇگىنگەن كەزدە مەديتسينا قىزمەتكەرلەرىنىڭ, باسقا جۇكتى ايەلدەر مەن بالالاردىڭ قاۋىپسىزدىگىن قامتاماسىز ەتۋ ءۇشىن بەيىندى مامانداردىڭ مەديتسينالىق كومەك كورسەتۋى ءۇشىن ولار مامانداندىرىلعان بولىمشەلەرگە جاتقىزىلادى;

- COVID-19-عا زەرتحانالىق تەكسەرۋ جۇرگىزىلەدى;

- ينفەكتسيالىق جانە باسقا دا مەديتسينالىق ۇيىمداردا ەپيدەمياعا قارسى تالاپتاردىڭ ساقتالۋى مىندەتتى;

- قىزمەتتەرى COVID-19-عا كۇدىكتى ناۋقاستاردى قاراپ-تەكسەرۋمەن, تاسىمالداۋمەن, وشاقتاعى جۇمىسپەن, ەمدەۋگە جاتقىزۋمەن, ەمدەۋمەن جانە ولاردى كۇتۋمەن بايلانىستى مەديتسينا قىزمەتكەرلەرى مەن پەرسونالدىڭ ءتيىستى جەكە قورعانىش قۇرالدارىن پايدالانۋىنا باقىلاۋ جۇرگىزىلەدى;

- دەنساۋلىق ساقتاۋ ۇيىمدارى ءۇشىن سوVID-19 ەپيدەميولوگياسى, كلينيكالىق كورىنىستەرى, دياگنوستيكاسى, ەپيدەميولوگيالىق جانە بيولوگيالىق قاۋىپسىزدىك قاعيدالارى, ستاندارتتى وپەراتسيالىق راسىمدەردى (سور) ورىنداۋ جونىندە سەمينارلار ۇيىمداستىرىلىپ, وتكىزىلەدى;

- COVID-19 كەزىندە ەپيدەمياعا قارسى ءىس-شارالاردى جۇرگىزۋ بويىنشا ءوڭىردىڭ مەديتسينالىق ۇيىمدارىنىڭ بارلىق قىزمەتكەرلەرىن تولىق قامتي وتىرىپ, جەكە قورعانىش قۇرالدارىن پايدالانۋ جونىندە نۇسقاما جۇرگىزىلەدى. سونداي-اق ءار ازامات ۇيدە مەديتسينالىق باقىلاۋ جۇرگىزۋدى جانە ءۇي كارانتينى تالاپتارىنىڭ ساقتالۋىنا ءمان بەرۋى قاجەت.