فرانتسيالىق «پسج» فۋتبول كلۋبىنىڭ شابۋىلشىسى نەيمار يسپانيالىق «رەالعا» قارسى وتكەن ويىننان كەيىن كوماندا قاقپاشىسى دجانلۋيدجي دونارۋممامەن ەرەگىسىپ قالدى دەگەن اڭگىمە تاراعان بولاتىن. فۋتبولشى بۇل سىبىستى جوققا شىعارعان جازبا قالدىردى, دەپ حابارلايدى Egemen.kz.
«جاريالانعان جاڭالىقتار تۋرالى اڭگىمە قوزعاعاندى جەك كورەمىن. كيىم اۋىستىراتىن بولمەدە ەشقانداي توبەلەس بولعان جوق. ءوز جۇمىسىنا سالعىرت قارايتىن جۋرناليستەر ءبىزدىڭ اتىمىزدى پايدالانىپ تانىلعىسى كەلەدى. ەكەۋمىزدى توبەلەسە جازدادى دەگەن دە بوس اڭگىمە. سوندىقتان مۇنداي اڭگىمەلەرگە نازار اۋدارماعان ءجون», دەپ جازدى فۋتبولشى ينستاگرامدا.
سونداي-اق برازيليالىق شابۋىلشى WhatsApp-تاعى ەكەۋارا جازبانى دا جاريالادى. الدىمەن دونارۋمما نەيمارعا قايىرىلعان ەكەن. «ەي, نەي, كەشەگى اڭگىمە ءۇشىن كەشىر. مۇنداي جاڭالىقتار ميعا قونىمسىز», دەگەن دونارۋممانىڭ جازباسىنا نەيمار: «دوسىم, فۋتبولدا مۇنداي دۇنيەلەر بولىپ تۇرادى» دەپ جاۋاپ بەرگەن.