قارماقشى اۋداندىق مادەنيەت جانە تىلدەردى دامىتۋ ءبولىمىنىڭ ك.رۇستەمبەكوۆ اتىنداعى جىراۋلار ءۇيى سىر سۇلەيى تۇرماعامبەت ىزتىلەۋوۆتىڭ تۋعانىنا 140 جىل تولۋىنا وراي جىراۋ شىعارمالارىن ناسيحاتتاۋ ماقساتىندا «تۇرماعامبەت جىرلارى – جاڭا عاسىر كوگىندە» اتتى اۋداندىق كوركەمسوز وقۋ شەبەرلەرىنىڭ بايقاۋىن ۇيىمداستىردى.
بايقاۋعا جوسالى كەنتى مەن ەلدى مەكەندەردەگى مەكتەپتەردەن 30 تالاپكەر قاتىستى. اۋداندىق مادەنيەت جانە تىلدەردى دامىتۋ ءبولىمىنىڭ باسشىسى داۋرەن ەرجانوۆ نازىم ءسوزدىڭ شىن جىبەگىن شيراتقان شايىر اتىنداعى بايقاۋعا قاتىسۋشىلارعا ساتتىلىك تىلەدى.
قازىلار شەشىمىمەن كىشى توپ بويىنشا باس جۇلدەنى ايدانا ۇلانبەك الدى. ۇلكەن توپتاعى باس جۇلدە مارجان بەرىكبولعا بۇيىردى. قالعان ورىن يەلەرى مەن قاتىسۋشىلار ارنايى العىس حاتتار جانە سىيلىقتارمەن ماراپاتتالدى.
جىل باسىنان وڭىردە تۇرماعامبەت ىزتىلەۋوۆتىڭ تۋعانىنا 140 جىل تولۋىنا وراي مادەني شارالار لەگى باستالدى. جاقىندا عانا وبلىستىق فيلارمونيادا ءداستۇرلى ورىنداۋشىلاردىڭ «تۇعىرى بيىك – تۇرماعامبەت» اتتى كونتسەرتى ءوتتى.
ۇلتتىق رۋحانياتتى شىعىستىڭ سارقىلماس مول مۇراسىمەن بايىتقان شايىر اتىنداعى رەسپۋبليكالىق دەڭگەيدە شارالار ۇيىمداستىرۋ دا جوسپارلانۋدا.
قىزىلوردا