الماتىدا رەيستە جۇرگەن تروللەيبۋس ورتەنىپ كەتتى. وقيعا وتەگەن باتىر كوشەسىنىڭ بويىندا, مارەچەك كوشەسىنە جەتە بەرگەن جەردە, اۋەزوۆ اۋداندىق ىشكى ىستەر ءبولىمى عيماراتىنىڭ قارسى بەتىندە ورىن الدى. بۇل تۋرالى Tengrinews.kz حابارلادى.
توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, كولىكتىڭ ورتەنۋى ساعات 14:00 شاماسىندا باستالعان. ءورتتىڭ اۋماعى 10 شارشى مەتر جەردى العان. ودان زارداپ شەككەندەر جوق. تەرگەۋشىلەر ءورت بولعان ماڭدا ونىڭ سەبەبىن انىقتاپ جاتىر.
وسىندا جەتكەن ترولللەيبۋستىڭ يەسى - «الماتىەلەكتروترانس» جشس قىزمەتكەرلەرى ءورتتىڭ قىسقا تۇيىقتالۋدان قاشقانىن ايتىپ وتىر. ولاردىڭ ايتۋلارىنشا, تروللەيبۋستىڭ جانىنان وتكەن ءبىر تراۋتور وجاۋىمەن جوعارىداعى سىمدى ءۇزىپ جىبەرگەن. سونىڭ سالدارىنان تروللەيبۋستان وت قاشقان. ال تراكتور وقيعا بولعان جەردەن تەز كەتىپ قالعان.
سۇلتان بوزايعىر.
دەرەككوز: Tengrinews.kz.
فوتو: Tengrinews.kz.