ارمەنيا پارلامەنتى جوعارى تەحنولوگيالىق ونەركاسىپ ءمينيسترى ۆااگن حاچاتۋرياندى پرەزيدەنت ەتىپ سايلادى. بۇل تۋرالى زاڭ شىعارۋشى ورگاننىڭ ەسەپ كوميسسياسىنىڭ باسشىسى نارەك بابايان مالىمدەدى, دەپ حابارلايدى Egemen.kz ريا نوۆوستي-عا سىلتەمە جاساپ.
ۆااگن حاچاتۋريان پرەزيدەنتتىككە جالعىز ۇمىتكەر بولعان. حاچاتۋرياننىڭ كانديداتۋراسىن بيلەۋشى «ازاماتتىق كەلىسىم» («گراجدانسكي دوگوۆور») پارتياسى ۇسىندى. ءبىرىنشى تۋردا وعان تەك 69 دەپۋتات داۋىس بەردى.
«ارمەنيا» جانە «چەست يمەيۋ» وپپوزيتسيالىق فراكتسيالارى سايلاۋعا بويكوت جاريالادى.ارمەنيانىڭ ەكس-پرەزيدەنتى ارمەن ساركيسيان 23 قاڭتاردا وتستاۆكاعا كەتەتىنىن مالىمدەگەن بولاتىن. نەگىزگى سەبەپ رەتىندە ول مەملەكەت باسشىسىنا سىرتقى جانە ىشكى ساياساتتىڭ تۇبەگەيلى پروتسەستەرىنە اسەر ەتۋگە مۇمكىندىك بەرمەيتىن ءتيىستى وكىلەتتىكتەردىڭ جوقتىعىن اتاپ ءوتتى.