مەملەكەت باسشىسى نۇرسۇلتان نازارباەۆ جازۋشى جانە قوعام قايراتكەرى دۋلات يسابەكوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
الماتىداعى رەزيدەنتسيادا وتكەن اڭگىمە بارىسىندا وتاندىق مادەنيەتتى دامىتۋ ماسەلەلەرى مەن قازىرگى زامانعى ادەبي ۇدەرىستەردىڭ ءارتۇرلى قىرلارى تالقىلاندى.
مەملەكەت باسشىسى قازاقستاندىقتاردىڭ مادەني جانە رۋحاني بايۋىنا تىكەلەي ىقپال ەتەتىن جازۋشىلار مەن بارلىق شىعارماشىلىق وكىلدەرى قىزمەتىنىڭ ماڭىزدىلىعىن اتاپ ءوتتى, سونداي-اق, بارشاسىنا تابىس تىلەدى.
د.يسابەكوۆ ءوزىنىڭ سوڭعى جازعان تۋىندىلارى مەن شىعارماشىلىق جوسپارلارى جونىندە اڭگىمەلەدى. اتاپ ايتقاندا, ول الداعى ۋاقىتتا لوندوندا اعىلشىن تىلىندەگى كىتابىنىڭ تۇساۋكەسەرى جانە «وكپەك جولاۋشى» پەساسى بويىنشا قويىلاتىن سپەكتاكلدىڭ پرەمەراسى وتەتىنىن ايتتى.