اتىراۋدا قاڭتار ايىندا جاپپاي تارتىپسىزدىك كەزىندە مىڭنان استام ارنايى قۇرال ۇرلانعان. بۇل تۋرالى ونلاين-بريفينگتە اتىراۋ وبلىسى پروكۋرورىنىڭ ورىنباسارى ابزال گيليم مالىمدەدى, دەپ حابارلايدى Egemen.kz اتىراۋ وبلىسىنىڭ وڭىرلىك كوممۋنيكاتسيالار قىزمەتىنە سىلتەمە جاساپ.
«وبلىستىق اكىمدىك عيماراتىن كۇشتەپ باسىپ العان كەزدە تارتىپسىزدىككە قاتىسقان پوليتسيا قىزمەتكەرلەرىنەن توعىز دانا اتىس قارۋى تاركىلەندى. بۇگىنگى تاڭدا ولاردىڭ تەك تورتەۋى تابىلدى. سونداي-اق تارتىپسىزدىككە قاتىسۋشىلار مىڭنان استام قالقانداردى جانە باسقا دا ارنايى قۇرالداردى زاڭسىز يەمدەندى. بۇگىنگى تاڭدا 52 ادام تابىلدى, قالعاندارىن ىزدەۋ جالعاسۋدا. سوندىقتان تۇرعىنداردى ۇرلانعان قارۋدى پوليتسياعا تاپسىرۋعا شاقىرامىن. قارۋدى ءوز ەركىمەن تاپسىرعان ازاماتتار زاڭ بويىنشا قۋدالانبايدى», دەدى ابزال گيليم.