UFC-دە جارتىلاي ورتا سالماق دارەجەسىندە باق سىناپ جۇرگەن قازاقستاندىق ارالاس جەكپە-جەك شەبەرى شاۆقات راحمونوۆ ءوزىن شۆەتسيالىق حامزات چيماەۆپەن سالىستىراتىندار جۇيكەسىنە تيگەنىن ايتتى, دەپ حابارلايدى Egemen.kz championat.com-عا سىلتەمە جاساپ.
«حامزات چيماەۆپەن سالىستىرا بەرەتىندەر جۇيكەگە تيەدى. مەن حامزات ەمەس, شاۆقاتپىن. ەكەۋمىز قاي كەزدە وكتاگوندا كەزدەسۋىمىز مۇمكىن؟ وسى ساۋالدى ماعان قايتا-قايتا جولدايتىنداردىڭ سانىندا ەسەپ جوق. بارلىعىن ۋاقىت كورسەتەدى عوي. ءدال قازىر وسى ساۋال مەنى ابدەن تيتىقتاتىپ ءبىتتى», دەدى وتانداسىمىز ءوز ويىمەن ءبولىسىپ.