ساعىنادى اقىندى سىزداپ جۇرەك

ۋنيۆەرسيتەتتىڭ «گۋما­ني­تارلىق عىلىمدار جانە زاڭ» فا­كۋلتەتى, «فيلولوگيا» كافەدرا­سىنا قاراستى قازاق ءتىلى مەن ادەبيەتى مۇعالىمدەرىن دايارلاۋ باعدار­لاماسى ستۋ­دەنتتەرىنىڭ ۇيىم­داستى­رۋى­مەن وتكەن ادەبي-سازدى كەش اقىننىڭ ءومىرى مەن شى­عارماشىلىعى تۋرالى دەرەك بەرەتىن بەينەباياننان باس­تالدى. اقىننىڭ ولەڭدەرىن, پوەمالارىن مانەرىنە كەلتىرىپ ورىنداۋدا ستۋدەنت-جاس­تار كەرەمەت شەبەرلىكتەرىن كور­سەتتى. ستۋدەنتتەر «مەن دەپ ويلا», «اي­تاتىن ساعان سىرىم بۇل», «ەسىڭە مەنى العايسىڭ» اندەرىن تامىلجىتا ورىندادى. ارايلىم ءاشىرالى مەن ارۋجان وڭالتاي اقىنعا ارناعان وز­دەرىنىڭ ولەڭدەرىن وقىدى. ستۋ­دەنت­تەردىڭ «جەتىمدەر ءۇنى» مەن «مۇ­قاعاليدىڭ تۋ­عان كۇنى» قويى­لىمى دا كو­رەر­مەن­نىڭ پوەزيا ساڭ­لاعىنا دەگەن كوزقاراسىنا, وي-پارا­ساتىنا ايقىن ءمان كىرگىزدى.

– اتالعان ءىس-شارانىڭ باس­تى ماقساتى – مۇقاعالي ماقا­تاەۆتىڭ ءومىرى مەن شىعار­ما­شىلىعىنا شولۋ جاساۋ. اقىن پوەزياسىنىڭ حالىققا كەڭ تارالۋىنىڭ ءمانى جانە ونىڭ ومىرشەڭدىگىنىڭ سىرى نەدە ەكەندىگىن تانىتۋ, اقىن­دىق تالانتىن شاكىرت جۇرە­گىنە ۇيالاتۋ, سول ارقىلى ولار­دىڭ بويىندا پوەزيا الە­مىنە, جالپى ءسوز ونەرىنە دەگەن سۇيىسپەنشىلىكتى بەرىك قالىپ­تاستىرۋ. ايشىقتى اس­تارمەن, تارتىمدى تۇس­پال­مەن, ۇتقىر ۇيقاسپەن كوم­كەرىلىپ, رۋحاني تەرەڭ تەبى­رەنىستىڭ ورنەكتى وزە­گىنەن ءوربيتىن كومەسكىگە كوزى قىراعى ءبىرتۋما اقىننىڭ ورا­لىمدى ويلارى, كۇيىنىشتى جان كۇيزەلىسى, ءسۇيىنىشتى سىرلى سەزىمى ايىرىقشا دارىندى, ساعىنىش سارىندى ولمەس ولەڭ جولدارىنان كەلىستى كورىنىس تاۋىپ, جىر سۇيەر قاۋىم مۇقا­عالي رۋحىنا تاعزىم ەتىپ, جان تە­بىرەنتەرلىكتەي اسەر­لى ولەڭ­دەرى ارقىلى وزىمەن سىرلاس­قانداي كۇيدە بولدى, – دەيدى فيلوسوفيا دوكتورى مۇراتبەك انارباي ۇلى.

تۇركىستان وبلىسى