ناۋرىزدىڭ 19-30 ارالىعىندا الماتى وبلىسىنىڭ Ak Bulak تاۋ-شاڭعى كۋرورتىندا شاحماتتان كەزەكتى ەل چەمپيوناتى وتەدى. وندا 6, 8, 10, 12, 14, 16, 18 جاسقا دەيىنگى ۇلدار مەن قىزدار راپيد جانە بليتس شاحمات بويىنشا كىم مىقتىنى انىقتايدى.
چەمپيونات ەرەجەسىنە سايكەس, كلاسسيكالىق شاحماتتان قازاقستان چەمپيونى اتانعان 8, 10, 12, 14, 16 جانە 18 جاسقا دەيىنگى سپورتشىلار الەم بىرىنشىلىگىندە باق سىنايدى. ال كلاسسيكالىق شاحماتتان 8, 10, 12, 14, 16 جانە 18 جاس ساناتتارىنا دەيىنگى ەل بىرىنشىلىگىنىڭ كۇمىس جۇلدەسىن يەلەنگەندەر (ۇلدار مەن قىزدار) ازيا چەمپيوناتىندا ەل نامىسىن قورعايتىن بولادى.
ايتا كەتەيىك, جارىس جەڭىمپازدارى مەن جۇلدەگەرلەرى مەدال, ديپلوم جانە اقشالاي سىيلىقپەن ماراپاتتالادى. باس جۇلدە (كۋبوك) ەڭ كوپ التىن مەدال جەڭگەن ايماق دەلەگاتسياسىنا بەرىلەدى. بيىلعى ەل چەمپيوناتىنىڭ جالپى جۇلدە قورى – 2 880 000 تەڭگەنى قۇرايدى.