قىمباتتى وتانداستار!

قازاقستان حالقى اسسامبلەياسى سىزدەردى جىلدىڭ باسى – ۇلىستىڭ ۇلى كۇنى ناۋرىز مەرەكەسىمەن قۇتتىقتايدى! ناۋرىز بارشا جۇرت اسىعا كۇتەتىن جالپىحالىقتىق مەرەكە, ەلدىك ءداستۇر. حالقىمىز ءۇشىن بۇل كۇن قاشاندا ىرىس پەن ىنتىماقتىڭ, تاتۋلىقتىڭ, جاڭارۋدىڭ مەرەكەسى. ۇلىستىڭ ۇلى كۇنى ەلدىڭ بىرلىگى بەكىپ, ەلدىك مۇراتتار ساباقتالادى. اعايىن وتكەننەن قالعان وكپە-نازىن ۇمىتىپ, ءتوس قاعىسىپ سالەمدەسىپ, ءبىر داستارقاننان ءدام تاتادى. بۇل كۇنى تابيعات ۇيقىسىنان ويانىپ, كۇن ساۋلەسى شۋاعىن شاشادى, قۇستار ءان سالىپ, دالا جاسىل جەلەككە ورانادى. ءاز ناۋرىز كەلگەندە جەر دۇنيە جاڭارىپ, تابيعات تۇلەپ, ءتورت ت ۇلىك تولدەپ, داستارقان اققا تولادى, ەلدىڭ مەرەيى ۇستەم بولىپ, جەر ۇستىندە شاتتىق تويى, بەرەكە تويى باستالادى. حالقىمىزدىڭ سۇيىكتى مەرەكەسى بۇگىنگى ومىرىمىزگە ەنىپ, اتا سالتىمىزدىڭ جاڭعىرۋىنىڭ, داستۇرلەر ساباقتاستىعىنىڭ جارقىن بەلگىسىنە اينالدى. وتكەنىمىزدەن قۋات الىپ, كەلەشەگىمىزگە شۋاق شاشاتىن ۇلىستىڭ ۇلى كۇنى – ناۋرىز مەرەكەسىنىڭ ءبىزدىڭ باستى قازىنالارىمىز – ەلدىك جاراسىم مەن قوعامدىق كەلىسىمدى, قازاقستان حالقىنىڭ بىرلىگىن نىعايتۋدا ماڭىزى ەرەكشە. وسىنداي قۇندىلىقتارىمىزدى ساقتاي وتىرىپ, ءبىز ۇلى مۇراتىمىز «ماڭگىلىك ەل» بولۋ جولىندا ەلىمىزدىڭ تاۋەلسىزدىگىن نىعايتىپ, بىرلىگىن بەكەم ۇستايمىز. قۇرمەتتى وتانداستار! ناۋرىز, ىنتىماعى جاراسقان ەلىمىزدى مولشىلىققا, ال ءار شاڭىراقتى باقىت پەن شاتتىققا تولتىرسىن دەپ تىلەيمىز. ءاربىر ادامعا باق-بەرەكە تىلەيمىز! ۇلىس وڭ بولسىن! اق مول بولسىن! ناۋرىز مەيرامى قۇتتى بولسىن! قازاقستان حالقى اسسامبلەياسى.