الماتى قالاسى «وربيتا-4» شاعىن اۋدانىندا تۇراتىن مۇگەدەك ءوزىن-ءوزى جارىپ جىبەردى. بۇل تۋرالى «استانا» تەلەارناسى حابارلادى.
قازىر مۇگەدەك جاننىڭ گراناتانى قايدان العانى تەكسەرىلۋدە. كۋاگەرلەردىڭ ايتۋى بويىنشا, وقىس وقيعا كەزىندە پاتەردە مارقۇمنىڭ اناسى بولعان. الايدا, ول وزگە بولمەدە بولعاندىقتان, امان قالىپتى. ونىڭ ۇلى توبەلەستىڭ كەسىرىنەن مۇگەدەك بولعان ەكەن.
بىزگە كەلىپ تۇسكەن سوڭعى دەرەكتە وقيعا ورىن العان كوپ قاباتتى ءۇيدىڭ قورشاۋعا الىنعانى تۋرالى جازىلعان. تەكسەرۋ ءىسى اياقتالعاسىن, جارىلعىش زاتتىڭ قايدان الىنعانى جانە 15 جاسار ءجاسوسپىرىمنىڭ ولىمىنە نە سەبەپ بولعانى ءمالىم بولادى.
ءار جەرگە شاشىلىپ تۇسكەن دەنە مۇشەلەرىن كورگەندەر جارىلىستىڭ وتە كۇشتى بولعانىن ايتادى. ال ساپەرلەر اۋلا ماڭى مەن عيمارات ءىشىن ءجىتى تەكسەرۋدە.
ءامىرحان الماعانبەتوۆ.
دەرەككوز: «استانا» تەلەارناسى.
فوتو: Tonykok.kz.