اۋستراليا اشىق چەمپيوناتىنىڭ قورىتىندىسى بويىنشا ايەلدەر تەننيس قاۋىمداستىعى (WTA) جانە كاسىپقوي تەننيسشىلەر قاۋىمداستىعى (ATP) جاڭارتىلعان رەيتينگىن جاريالادى.
«ۇلكەن دۋلىعا» ساناتىنداعى جىلدىڭ ەڭ العاشقى جارىسىنان كەيىن قازاقستاندىق تەننيسشىلەردىڭ الەمدىك رەيتينگتەگى ورىندارى اسا قاتتى وزگەرە قويعان جوق. تەك Australian Open ءتۋرنيرىنىڭ جۇپتىق باسەكەسىندە فينالدا ونەر كورسەتكەن وتانداسىمىز اننا دانيلينا رەيتينگتە 28 ساتى جوعارىلاپ, 25-ورىنعا كوتەرىلدى. جەكەلەي سىندا ەلەنا رىباكينا 12-ءشى, يۋليا پۋتينتسەۆا 42-ورىندارىن ساقتاپ قالسا, زارينا دياس 118-ساتىعا سىرعىدى. ايەلدەر اراسىنداعى تۋرنير جەڭىمپازى اۋستراليالىق ەشلي بارتي مەن 1/8 فينالدا سۇرىنگەن بەلارۋس وكىلى ارينا سوبولەنكو ءبىرىنشى جانە ەكىنشى ورىندارىن ساقتاپ قالسا, شيرەك فينالعا جەتكەن چەحيالىق سپورتشى باربورا كرەيچيكوۆا ءۇشىنشى ورىنعا كوتەرىلدى.
ەرلەر اراسىنداعى رەيتينگتە قازاقستاننىڭ ءبىرىنشى راكەتكاسى الەكساندر بۋبليك ەكى ساتى جوعارىلاپ, 35-ورىنعا تۇراقتادى. ال ميحايل كۋكۋشكين 16 ورىنعا كوتەرىلىپ, 166-ورىنعا جايعاستى. دميتري پوپكو 180-ورنىندا قالسا, تيموفەي سكاتوۆ 236-ساتىعا جايعاستى. ەرلەر باسەكەسىندەگى رەيتينگتىڭ العاشقى ۇشتىگى وزگەرىسسىز قالدى. سەربيالىق ساڭلاق نوۆاك دجوكوۆيچ كوپتەن بەرى العاشقى ورىندى ەشكىمگە بەرمەي كەلەدى. Australian Open دوداسىنىڭ ءفيناليسى رەسەيلىك دانيل مەدۆەدەۆ – ەكىنشى, گەرمانيالىق الەكساندر زۆەرەۆ ءۇشىنشى ورىندا تۇر.