شايبالى حوككەيدەن ەلوردانىڭ «بارىسى» باق سىناپ جاتقان قۇرلىقتىق حوككەي ليگاسىنىڭ (قحل) ماتچتارى قىسقى وليمپيا ويىندارىنان كەيىن جالعاساتىن بولدى. بۇل تۋرالى قحل باسشىلىعى مالىمدەدى.
بىرەر اپتا بۇرىن قحل كلۋبتارى اراسىندا قىتاي استاناسى – بەيجىڭ قالاسىنداعى قىسقى وليمپيادا كەزىندە چەمپيوناتتى جالعاستىرۋعا بايلانىستى ساۋالداما جۇرگىزىلگەن بولاتىن. اتالعان تۋرنيرگە قاتىسىپ جاتقان 24 كوماندانىڭ 16-سى وليمپيادا كەزىندە ماتچتاردى وتكىزۋگە قارسى ەكەندەرىن ايتقان. ءسويتىپ تۇراقتى بىرىنشىلىكتىڭ باسشىلىعى وليمپيادا كەزەڭىندە چەمپيوناتتى جالعاستىرماۋعا شەشىم قابىلدادى.
قحل ويىندارىنىڭ قالعان بولىگى قاشان جانە قانداي فورماتتا جالعاساتىنى جونىندە ناقتى شەشىم 10 اقپاندا بەلگىلى بولادى. قازىرگى تاڭدا قازاقستاندىق «بارىس» كومانداسى «شىعىس» كونفەرەنتسياسىنىڭ تۋرنير كەستەسىندە 47 ويىننان كەيىن 48 ۇپايمەن 8-ورىندا تۇر. ال جالپى ەسەپتە 17-ساتىعا جايعاسقان.