قازاقستاندىق اننا دانيلينا جۇپتىق سىندا اۋستراليا اشىق چەمپيوناتىنىڭ فينالىندا جەڭىلىپ قالدى, دەپ حابارلايدى Egemen.kz.
ا.دانيلينا برازيليالىق بەاتريس حادداد مايامەن بىرگە فينالدا الەمنىڭ جۇپتىق سىنداعى ءبىرىنشى راكەتكالارى, چەحيالىقتار باربورا كرەيچيكوۆا – كاتەرينا سينياكوۆامەن شەبەرلىك بايقاستى. بۇل كەزدەسۋدىڭ فاۆوريتتەرى بۇعان دەيىن ەكى مارتە رولان گارروس, ءبىر رەت ۋيمبلدون جارىسىنىڭ چەمپيونى اتانىپ, وتكەن جىلى توكيو وليمپياداسى مەن WTA قورىتىندى تۋرنيرىندە ۇزدىك
شىققان چەحيالىق جۇپ ەدى. بيىلدان باستاپ بىرگە ويناي باستاعان دانيلينا مەن مايا وسىعان دەيىن سيدنەي WTA 500 دوداسىندا جەڭىمپاز اتاندى. ءبىرىنشى پارتيا بارىسىندا قارسىلاستار ەكى رەتتەن برەيك جاسادى. تاي-برەيكتە قازاقستاندىق-برازيليالىق جۇپ ءساتتى ويناي ءبىلدى – 7:6 (7:3).
ەكنشى سەتتە چەحيالىقتار العا كەتتى – 2:0. اقىرى سول باسىمدىلىقتان ايىرىلعان جوق – 6:4. ءۇشىنشى, شەشۋشى پارتيادا ەسەپ 2:1 بولعان مەزەتتە قازاقستاندىق-برازيليالىق جۇپ برەيك-پوينتتى پايدالانا المادى. ەسەسىنە قارسىلاستارى مۇنداي مۇمكىندىكتى ءمۇلت جىبەرمەدى – 3:2. تاعى ءبىر برەيك – 5:2.
بۇدان كەيىن ك.سينياكوۆا ماتچقا دوپ بەرگەندە, دانيلينا مەن مايا قارىمتا قايىرىپ, ەسەپتى قىسقارتتى. دەگەنمەن ب.كرەيچيكوۆا دوپ بەرگەندە, جەڭىس چەحيالىق جۇپتىڭ ەنشىسىندە كەتتى – 6:4. ناعىز فينالعا ءتان تارتىستى باسەكە 2 ساعات 42 مينۋتقا سوزىلدى
وسىلايشا قازاقستاندىقتار اراسىندا العاشقى بولىپ اۋستراليا بىرىنشىلىگىنىڭ فينالىنا دەيىن جەتكەنا.دانيلينا الداعى دۇيسەنبىدە جاڭارتىلاتىن الەمدىك رەيتينگىدە جۇپتىق سىندا ۇزدىك 25 تەننيسشىنىڭ قاتارىنا كىرەدى.