قازاقستاندىق تەننيسشىلەر شەتەلدە ۇيىمداستىرىلعان ەكى بىردەي حالىقارالىق جارىستا ۇزدىك شىقتى. دەنيس ەۆسەەۆ ليتۆاداعى ITF ءتۋرنيرىنىڭ ءابسوليۋتتى جەڭىمپازى اتانسا, دامير جالعاسباي بەلارۋستەگى Tennis Europe دوداسىندا ءساتتى ونەر كورسەتتى.
ۆيلنيۋستەگى جۇلدە قورى 25 مىڭ اقش دوللارىنا باعالانعان جارىستا د.ەۆسەەۆ جەكەلەي جانە جۇپتىق سىندا ۇزدىك شىقتى. الدىمەن دەنيس بەلارۋستىق يۆان ليۋتارەۆيچپەن بىرگە جۇپتىق فينالدا ماجارستاندىقتار – فابيان ماروجان مەن پەتەر فايتتى 6:4, 7:6 (7:4) ەسەبىمەن جەڭدى. ال جەكەلەي جارىستىڭ فينالىندا فينليانديالىق وتتو ۆيرتانەندى 5:7, 6:3, 7:6 (7:4) ەسەبىمەن تىزە بۇكتىرىپ, حالىقارالىق ءتۋرنيردىڭ چەمپيونى اتاندى.
وسىلايشا دەنيس ITF دودالارىنداعى 18-ءشى (سونىڭ 8-ءى جەكەلەي سىندا) تيتۋلىنا قول جەتكىزدى. ليتۆاداعى وسى تابىسىنىڭ ارقاسىندا جەرلەسىمىز الەمدىك رەيتينگتە 349-ورىنعا كوتەرىلدى.
ال دامير جالعاسباي مينسك قالاسىنداعى باسەكەدە اۋەلى بەلورۋسسيالىق ستانيسلاۆ باليبەنكومەن بىرگە جۇپتىق فينالدا ۆلاديمير كادوبينە (بەلارۋس) – ارتەمي لازارەۆتى (رەسەي) 6:0, 6:2 ەسەبىمەن ۇتىپ, چەمپيوندىق تۇعىرعا كوتەرىلدى. ال جەكەلەي سىندا سوڭعى باسەكەدە عانا رەسەيلىك الەكسەي فرولوۆقا ەسە جىبەردى – 4:6, 1:6.