«بارىستىڭ» كەزەكتى ويىنى شەگەرىلدى

قازاقستاندىق كوماندا كەشە پودولسكى­دە جەرگىلىكتى «ۆيتياز» كومانداسىمەن ويناۋى كەرەك ەدى. الايدا ء«ۆيتيازدىڭ» 4 سپورت­­شىسىنان كوروناۆيرۋس انىقتالىپ, ۆيرۋس­تىڭ تارالۋىن بولدىرماس ءۇشىن قحل باسشىلىعى بۇل ويىندى دا كەيىنگە شەگەرۋگە ءماجبۇر بولدى. سونداي-اق مۇنىڭ الدىندا ءدال وسىنداي جاعدايعا بايلانىس­تى «بارىستىڭ» «تورپەدومەن» (نيجني نوۆگورود) ويىنى دا شەگەرىلگەن ەدى. قۇر­لىقتىق حوككەي ليگاسىنىڭ پرەزيدەنتى الەك­سەي موروزوۆتىڭ ايتۋىنشا, كەيىنگە قال­دىرىلعان ويىنداردىڭ كۇنتىزبەسى جانە چەم­پيوناتقا قاتىستى سوڭعى شەشىم ­وليم­پيا­دالىق ءۇزىلىس كەزىندە, ياعني 23 قاڭتاردان كەيىن بەكىتىلەدى.

قحل-دان بولەك, شايبالى حوككەيدەن قازاقستان چەمپيوناتى دا ۋاقىتشا توقتا­تىل­عان بولاتىن. ەلدە توتەنشە جاعدايدىڭ ەن­گى­زىلۋىنە بايلانىستى ۇزىلىستەن كەيىنگى ال­عاش­قى ماتچتار 24 قاڭتاردا وتۋگە ءتيىس. ەلى­­مىز­دەگى جاعداي تۇراقتالىپ, توتەنشە جاع­داي اياقتالعاننان كەيىن عانا ماتچتار باستالادى.