قۇرلىقتىق حوككەي ليگاسىندا (قحل) ونەر كورسەتىپ جاتقان ەلوردانىڭ «بارىسى» كەزەكتى تۋر ويىنىن سىرت ايدىندا بۇكىل ليگانىڭ ليدەرى – ماگنيتوگورسكىنىڭ «مەتاللۋرگىمەن» وتكىزدى.
وسىدان ءبىر اپتا بۇرىن ەكى ۇجىم «بارىس ارەنادا» كەزدەسىپ, جەرلەستەرىمىز 3:2 ەسەبىمەن جەڭىسكە جەتكەن بولاتىن. سىرت ايدىنداعى قارىمتا ماتچتا دا قازاقستاندىق كوماندانىڭ باعى جاندى. ويىن بارىسىندا «بارىس» ءۇش مارتە ەسەپتە العا شىعىپ العانىمەن, ايدىن يەلەرى كوپ ۇزاماي تارازى باسىن تەڭەستىرىپ وتىردى. ءسويتىپ, ماتچتىڭ نەگىزگى ۋاقىتى 3:3 ەسەبىمەن تەڭ اياقتالىپ, كەزدەسۋ وۆەرتايمعا ۇلاستى. قوسىمشا مينۋتتا ليندەن ۆەي مەرگەندىگىمەن كوزگە ءتۇسىپ, «بارىسقا» جەڭىس سىيلادى. ايتا كەتەيىك, ويىننىڭ نەگىزگى كەزەڭىندە ءاليحان اسەتوۆ, ياكوب ليليا جانە انتون ساگادەەۆ دالدىك تانىتقان ەدى.
ماتچتان كەيىن باس باپكەر يۋري ميحايليس بۇل جەڭىستى بارشا قازاقستاندىق جانكۇيەرگە ارنايتىنىن جەتكىزدى. تاعى ءبىر ايتا كەتەرلىگى, كەشەگى كەزدەسۋدە «بارىستىڭ» قاقپاسىن كۇزەتكەن اندرەي شۋتوۆ قحل-داعى العاشقى ويىنىن وتكىزىپ, 37 سەيۆ جاسادى.