فۋتزالدان قازاقستان ۇلتتىق قۇراماسى ەكى اپتادان سوڭ نيدەرلاندتا جالاۋى جەلبىرەيتىن ەۋروپا چەمپيوناتىنا دايىندىعىن باستادى. ەلورداداعى جاتتىعۋ جيىنىنا 15 فۋتزالشى شاقىرىلعان.
ريكاردو كاكا باستاعان جاتتىقتىرۋشىلار شتابى 2022 جىلعى ەۋروپا چەمپيوناتىنا قاتىساتىن ويىنشىلاردىڭ ءتىزىمىن جاريالادى. وقۋ-جاتتىعۋ جيىنىنان سوڭ ناقتى تىزىمگە 14 ويىنشى ەنەدى. ەۋروپا چەمپيوناتى 19 قاڭتار مەن 6 اقپان ارالىعىندا نيدەرلاندتا وتەدى. قازاقستان قۇراماسى توپتىق كەزەڭدە سلوۆەنيا, فينليانديا جانە يتاليامەن سىنعا تۇسەدى.
فۋتزالدان قازاقستان قۇراماسىنا شاقىرىلعان ويىنشىلار: قاقپاشىلار: يگيتا, نارۋن سەرىكوۆ (ەكەۋى دە – «قايرات»), راۋان اتانتاەۆ («نۇر-سۇلتان»).
الاڭداعى ويىنشىلار: تاينان («ەل-پوسو», يسپانيا), دۋگلاس, شىڭعىس ەسەنامانوۆ, البەرت اقبالىقوۆ, ءبىرجان ورازوۆ, داۋرەن تۇرساعۇلوۆ (بارلىعى – «قايرات»), ارنولد كناۋب («دينامو سامارا», رەسەي), لەو («نوريلسكي نيكەل», رەسەي), نۇربەك قاراعۇلوۆ («اقتوبە»), ازات ۆاليۋللين («ايات»), جومارت توقاەۆ, ەرسۇلتان ساعىندىقوۆ (ەكەۋى دە – «اتىراۋ»).