كۇن وتكەن سايىن قىزىلوردا وبلىسىندا جاعداي تۇراقتالىپ, تىرشىلىك قالىپقا ءتۇسىپ كەلەدى. ەڭ باستىسى, ب ۇلىكتەن ۇرىككەن ەلدىڭ كوڭىلى ورنىنا ءتۇستى. وبلىس اكىمدىگى ءباسپاسوز قىزمەتىنىڭ حابارلاۋىنشا, 7 قاڭتاردان بەرى 365 ازامات پوليتسيا ورگاندارىنا جەتكىزىلىپ, 54-ءى قامالدى. ولاردىڭ اراسىندا توتەنشە جاعداي رەجىمىن بۇزعاندار دا بار.
ال وبلىستىق پوليتسيا دەپارتامەنتى حالىقتىڭ قاۋىپسىزدىگى مەن تىنىشتىعىن قامتاماسىز ەتەتىن جەدەل شارالاردى قابىلداۋدا. دەپارتامەنتتىڭ ءباسپاسوز قىزمەتىنىڭ حابارلاۋىنشا, ارنايى جەدەل-تەرگەۋ توبى ب ۇلىككە قاتىسقان 38 ادامدى انىقتادى. ولاردىڭ اراسىندا 5547 اسكەري ءبولىمى ساربازىنىڭ ولىمىنە كۇدىكتى دە بار. قازىر وسى دەرەك بويىنشا سوتقا دەيىنگى تەرگەپ, تەكسەرۋ باستالدى. سارباز ولىمىنە قاتىسى بار ازاماتتىڭ قىزىلوردا قالاسىنىڭ 31 جاستاعى تۇرعىنى ەكەندىگى ايتىلىپ وتىر.
پوليتسياعا جەتكىزىلگەندەردەن 3 اتىس, 13 سۋىق قارۋ, 8 قالقان مەن 4 دۋلىعا, بەس رەزەڭكە سويىل تاركىلەگەن. كولل-ورتالىققا 4 432 قوڭىراۋ ءتۇسىپتى. ورتالىققا تۇرعىنداردىڭ كوپشىلىگى اۋە, تەمىرجول بيلەتتەرىن قايتارۋ, ينتەرنەتتى قوسۋعا بايلانىستى حابارلاسقان. 5 قاڭتاردان باستاپ 204 ادام مەديتسينالىق كومەككە جۇگىنسە, 48 تۇرعىن اۋرۋحاناعا جاتقىزىلعان. ولاردىڭ 10-ى جانساقتاۋ بولىمىندە جاتىر.
وڭىردەگى ازىق-ت ۇلىك قورى جەتكىلىكتى. ءدال قازىر تۇراقتاندىرۋ قورى قويماسىندا 1 448 توننا ءونىم بار. ايماقتا 34 الەۋمەتتىك دۇكەن قالىپتى جۇمىس ىستەپ تۇر. اپتا سايىن 120 كولىك كورشىلەس تۇركىستان قالاسىنان ازىق-ت ۇلىك تاسىمالدايدى. گاز بەن جانار-جاعارماي دا جەتكىلىكتى. وسى كۇنى سۇيىتىلعان گاز – 60-65, اي-92 ماركالى بەنزين – 180, ال ديزەل 229 تەڭگەدەن ساتىلىپ جاتىر.
شاعىن جانە ورتا بيزنەس تە قالىپتى جۇمىس ىرعاعىنا كوشتى. بۇگىندە وبلىس اۋماعىندا 17 بازار, 89 ءىرى ساۋدا ءۇيى, 129 جانار-جاعارماي بەكەتى, 359 ءدارىحانا جەلىسى مەن ازىق-ت ۇلىك دۇكەندەرى جۇمىس ىستەپ تۇر.
وبلىستىق كاسىپكەرلەر پالاتاسى ءباسپاسوز قىزمەتىنىڭ مالىمەتىنشە بۇزاقىلىق سالدارىنان قالا ورتالىعىنداعى 26 نىسانعا 395,4 ملن تەڭگە زالال كەلگەن. پالاتا مەن كاسىپكەرلىك جانە تۋريزم باسقارماسىنا وبلىس ورتالىعىنداعى 15 كاسىپكەر وسىنداي شاعىممەن حابارلاسقان.
قىزىلوردا وبلىسى