ەلىمىزدە بەلەڭ العان جاپپاي تارتىپسىزدىك پەن دەسترۋكتيۆتى ارەكەتتەردى توقتاتىپ, جويۋعا بايلانىستى مەملەكەت باسشىسى قاسىم-جومارت توقاەۆتىڭ تاپسىرماسىمەن ناقتى شارالار جۇزەگە اسۋدا. ال ونى تياناقتى ىسكە اسىرۋدى ءاربىر جاۋاپتى ورگان ءوز دەڭگەيىندە ورىنداۋى شارت. وعان حالىق قولداۋ بىلدىرە وتىرىپ, قازىرگى كەزدە تالاپ ەتىلىپ وتىرعان بارلىق شاراعا مۇقيات بولعانىن قالايمىز.
ەل باسىنا تونگەن قيىن كەزەڭدە حالىقتىڭ اماندىعى - باستى مىندەت. پرەزيدەنتكە قولداۋ ءبىلدىرىپ, مەملەكەتتىگىمىزدى ساقتاۋ جولىندا جاۋاپكەرشىلىكتى سەزىنە وتىرىپ, جۇدىرىقتاي جۇمىلۋ ماڭىزدى. وسى ورايدا ستۋدەنت جاستاردى, اتا-انالاردى قيىن ساتتە سابىرلى بولۋعا شاقىرامىن. وتانىمىزعا ادالدىقتى ساقتاۋ ماڭىزدى.
وكىنىشكە قاراي, بەيبىت شەرۋدە كەيبىر بەلسەندىلەردىڭ, ارانداتۋشىلاردىڭ جاۋاپسىز ارەكەتىنەن جۇزدەگەن بەيبىت تۇرعىن مەن اسكەريلەردىڭ ومىرىنە قاۋىپ ءتوندى. ەل تىنىشتىعى بۇزىلدى. قازىرگى كەزدە وقۋ ورىندارىندا ستۋدەنتتەردىڭ, وقۋشىلاردىڭ قاۋىپسىزدىگىن قامتاماسىز ەتۋ ماقساتىندا تۇسىندىرمە جۇمىستارى جۇرگىزىلىپ, جاتاقحانا مەن وقۋ عيماراتتارى قاتاڭ باقىلاۋعا الىندى. بيىلعى وقۋ جىلىنىڭ ەكىنشى سەمەسترى ءبىلىم جانە عىلىم مينيسترلىگىنىڭ شەشىمىنە سايكەس 24 قاڭتاردان باستالادى.
قيىن-قىستاۋ كەزەڭدە بىرلىگىمىزدىڭ, تاۋەلسىزدىگىمىزدىڭ بەكەم بولۋى ماڭىزدى. وسى ورايدا بارشا قازاقستاندىقتاردى, اسىرەسە جاستاردى ساقتىق تانىتىپ, ەل تۇراقتىلىعىن ساقتاۋعا اتسالىسۋعا شاقىرامىن.
دارحان ءبىلالوۆ,
اباي اتىنداعى قازۇپۋ رەكتورى.