ارداگەرلەرگە قۇرمەت

ءاليا مولداعۇلوۆا ەسكەرتكىشىنىڭ جانىندا كورسەتىلدى ۇلى جەڭىستىڭ 65 جىلدى­عىنا وراي ەلورداداعى “دارىن” رەس­پۋب­ليكالىق عىلىمي-پراك­تي­كالىق ورتالىعى ەلدىڭ ەرتەڭى, جاس ۇرپاق­تىڭ بولاشاعى ءۇشىن قان­دارىن توگىپ, وتانىن قور­عاعان ارداگەر­لەرمەن كەزدەسۋدى قازاقتىڭ باتىر قىزى ءاليا مولداعۇلوۆا ەسكەرت­كىشىنىڭ جانىندا وتكىزدى. بۇل كەزدەسۋگە قازاقتىڭ ار­داقتى قىزدارىنىڭ ءبىرى, پرو­فەس­سور شاعيلا قۇسانقىزى, ءى, ءىى دارەجەلى وتان سوعىسى وردە­نىن ومىراۋىنا تاققان جاقان سەي­سەنباەۆ, سول سەكىلدى ەڭبەك ار­داگەرلەرى تۇرسىنباي مومىن­قۇ­لوۆ, ىلەس نۇرعاليەۆتەر قاتى­سىپ, جاستارعا سۇراپىل سوعىس­تىڭ وڭاي بولماعانىن اڭگىمە­لەپ بەردى. ەلگە قادىرلى اردا­گەر­لەر ساناۋلى كۇننەن كەيىن ەلور­دامىزدا باستالاتىن, 110 مەم­لە­كەتتىڭ تالانتتى وقۋ­شىلارى قا­تىساتىن 51 حالىق­ارالىق ماتە­ما­تيكا وليمپيادا­سىندا جاس­تار­عا جەڭىس تۇعىرىنان كورىنۋىن تىلەپ, اق باتالارىن بەردى. ارداگەرلەرگە ورتالىقتىڭ دي­رەكتورى ءتىلداش بيتۋوۆا داستار­قاننان ءدام تاتقىزىپ, قۇرمەت كورسەتىپ, سىي-سياپات جاساسا, استاناداعى “زەردە” مەكتەبىنىڭ وقۋشىلارى اتا-اپالارىنا اننەن, كۇمبىرلەگەن كۇيدەن, مىڭ بۇرالعان بيدەن شاشۋ شاشتى. سۇلەيمەن مامەت.