جاڭا جىلدىق ءىس-شارانى مەرەكەلەۋ كەزەڭىندە رەسپۋبليكادا پيروتەحنيكالىق بۇيىمداردى پايدالانۋدا ءورت قاۋىپسىزدىگى قاعيدالارىن بۇزۋ سالدارىنان جىل سايىن ورتا ەسەپپەن ونشاقتى ءورت وقيعاسى بولادى (2018 ج. – 4, 2019 ج. – 8, 2020 ج. – 15).
2020 جىلى 15 ءورت وقيعاسى تىركەلدى. ءورت پەتاردانىڭ مانسارد ءۇي-جايىنا ءتۇسۋى, پيروتەحنيكالىق بۇيىمداردى پايدالانۋ قاعيدالارىن بۇزۋ, پيروتەحنيكانى ابايسىز پايدالانۋ سالدارىنان بولعان. جىل سايىن جاڭا جىل قارساڭىندا ەلىمىزدە پوليتسيا دەپارتامەنتتەرىمەن بىرلەسىپ رۇقسات ەتىلمەگەن پيروتەحنيكالىق بۇيىمداردى ساتۋ ورىندارىنا رەيد جۇرگىزىلەدى. ونىڭ بارىسىندا كاسىپكەرلەرگە پيروتەحنيكالىق بۇيىمداردى ساقتاۋ جانە ساتۋ ورىندارىنا قويىلاتىن ءورت قاۋىپسىزدىك تالاپتارى تۇسىندىرىلەدى.
ءورتتىڭ شىعۋىنا, ادامداردىڭ جاراقاتتانۋىنا جول بەرمەۋ ماقساتىندا تجم پيروتەحنيكالىق بۇيىمداردى پايدالانۋ كەزىندە ءورت قاۋىپسىزدىك قاعيدالارىن ساقتاۋعا كەڭەس بەرەدى. مەرەكەلىك ءىس-شارالاردى ۇيىمداستىرۋ كەزىندە:
- تەرەزەلەرىندە تورى جوق كەمىندە ەكى ەۆاكۋاتسيالىق شىعۋ جولىمەن قامتاماسىز ەتىلگەن ءۇي-جايلاردى پايدالانۋ;
- يلليۋميناتسيانى ەلەكتر قوندىرعىلارىنىڭ تەحنيكالىق نورمالارىن ساقتاي وتىرىپ ورىنداۋ كەرەك. يلليۋميناتسيادا اقاۋ تابىلعان جاعدايدا (سىمداردىڭ قىزۋى, شامداردىڭ جىپىلىقتاۋى, ۇشقىن) ونى دەرەۋ توكتان اجىراتۋ كەرەك;
- ساحنادا جانە زال بولمەلەرىندە ءورت قاۋىپسىزدىگىنە جاۋاپتى تۇلعالاردىڭ كەزەكشىلىگىن ۇيىمداستىرۋ;
- ءۇي-جايلاردى العاشقى ءورت ءسوندىرۋ قۇرالدارىمەن قامتاماسىز ەتۋ قاجەت.
پيروتەحنيكالىق بۇيىمداردى پايدالانۋ كەزىندە:
- ولاردى تەرەزەلەردەن, بالكونداردان جانە ۇيلەردىڭ جانىنا جىبەرمەڭىز, سەبەبى ول جانىپ جاتقان جۇلدىزداردىڭ بالكوندارعا جانە تۇرعىن ءۇي-جايلارعا تۇسۋىنە, بالكونداردا قالدىرىلعان م ۇلىكتىڭ نەمەسە تەز تۇتاناتىن زاتتاردىڭ جانۋىنا الىپ كەلۋى مۇمكىن;
- بۇيىمدى پايدالانۋ نۇسقاۋلارىنا سايكەس الدىن الا ورنالاستىرۋ جانە سەنىمدى بەكىتۋ قاجەت;
- بۇيىمدى ورتەۋ كەزىندە ونى قولدا ۇستاۋعا بولمايدى. بىلتەنى قول سوزىم قاشىقتىقتان جاعۋ كەرەك. جۇمىس اياقتالعاننان كەيىن بۇيىمعا كەمىندە 5 مينۋت جاقىنداۋعا بولمايدى.
- كۇشتى جانە ۇيىتقىما جەل كەزىندە وتشاشۋدان مۇلدەم باس تارتقان ءجون.
قر تجم ءباسپاسوز قىزمەتى