الماتىدا جالاۋى جەلبىرەگەن كاراتەدەن ەرەسەكتەر اراسىنداعى ازيا چەمپيوناتىنىڭ كەزەكتى كۇنى قازاقستاندىق سپورتشىلار ءۇشىن تابىستى بولدى. كوماندالىق جارىستا ونەر كورسەتكەن قازاقستان ايەلدەر كومانداسى سارى قۇرلىق دوداسىنىڭ قولا جۇلدەگەرى اتاندى.
ءۇشىنشى ورىن ءۇشىن وتكەن باسەكەدە قازاقستان نامىسىن توكيو وليمپياداسىنىڭ جۇلدەگەرى سوفيا بەرۋلتسەۆا, سابينا زاحاروۆا جانە ءمولدىر جاڭبىرباي قورعادى. ولار كىشى فينالدا يران قۇراماسىنان باسىم ءتۇستى. كەشە قازاقستان ەرلەر كومانداسىمەن بىرگە جەكەلەي باسەكەلەردە ءمولدىر جاڭبىرباي (50 كگ), سابينا زاحاروۆا (55 كگ), سوفيا بەرۋلتسەۆا, اسەل قاناي (68 كگ), اندرەي اقتاۋوۆ (55 كگ) فينالدا باق سىنادى.
ال جاستار اراسىنداعى الەم چەمپيونى ەركىنبەك بايتورەەۆ (60 كگ), ديدار ءامىرالى (67 كگ), نۇرقانات اجىقانوۆ (75 كگ) جانە بەيبارىس جاڭبىر (84 كگ) قولا جۇلدەگە تالاستى.