بۇل كۇندەرى الماتىداعى سپورت كەشەندەرىندە قازاقستاننىڭ V قىسقى سپارتاكيادا ويىندارى ءوتىپ جاتىر. بۇل – 4 جىلدا ءبىر رەت ۇيىمداستىرىلاتىن كەشەندى جارىس. ياعني ەلىمىزدىڭ قىسقى وليمپياداسى.
كەشە Almaty Arena سپورت كەشەنىندە سپارتاكيادانىڭ رەسمي اشىلۋ سالتاناتى ءوتتى. ءىس-شاراعا مادەنيەت جانە سپورت ۆيتسە-ءمينيسترى سەرىك جاراسباەۆ, الماتى قالاسى سپورت باسقارماسىنىڭ باسشىسى رۇستەم بايسەيىتوۆ جانە ۇوك سپورت ديرەكتسياسىنىڭ ديرەكتورى ەلسيار قاناعاتوۆ قاتىستى.
سپارتاكيادا قاتىسۋشىلارى سپورتتىڭ 14 ءتۇرى بويىنشا ءوزارا باق سىناسۋدا. اتاپ ايتقاندا, بياتلون, كەرلينگ, كونكيمەن جۇگىرۋ, مانەرلەپ سىرعاناۋ, شورت-ترەك, شايبالى حوككەي (ەرلەر جانە ايەلدەر), تاۋ شاڭعىسى, ارالاس شاڭعى, شاڭعىمەن سەكىرۋ, سنوۋبورد, فريستايل-موگۋل جانە فريستايل اكروباتيكا. جارىسقا 14 وبلىس پەن نۇر-سۇلتان, الماتى, شىمكەنت قالالارىنان 1400-گە جۋىق سپورتشى قاتىسۋدا. سپارتاكيادا 27 جەلتوقساندا ءوز مارەسىنە جەتەدى.