برازيليا بيلىگى كەلەسى جىلى كوروناۆيرۋستىڭ جاپپاي ورشۋىنە جول بەرمەۋ ءۇشىن جىل سايىن وتكىزىلەتىن كارناۆالدان باس تارتۋى مۇمكىن, دەپ حابارلايدى Egemen.kz.
برازيليا دەنساۋلىق ساقتاۋ مينيسترلىگى ريو-دە-جانەيرودا ايگىلى كارناۆالدى تويلاۋعا قارسى. بۇل تۋرالى COVID-19-عا قارسى توتەنشە دەپارتامەنتىنىڭ باسشىسى روزانا لەيتە دە مەلو ايتتى, دەپ حابارلادى RG.ru.
مەلو دەپۋتاتتار پالاتاسىنىڭ تۋريزم جونىندەگى كوميسسياسىنىڭ وتىرىسى بارىسىندا وسىنداي مالىمدەمە جاسادى. ول برازيليالىقتار اراسىندا ۆاكتسيناتسيانىڭ جوعارى دەڭگەيىنە قاراماستان, ازاماتتار بۇقارالىق ءىس-شارالاردى وتكىزۋدى شەكتەيتىن ددسۇ ۇسىنىستارىن ۇستانۋى كەرەك ەكەنىن اتاپ ءوتتى.
ء«بىز قازىر پاندەميا جاعدايىندا ءومىر ءسۇرىپ جاتقانىمىزدى ۇمىتپاۋىمىز كەرەك. كارناۆال, ارينە, ءبارىمىزدى بىرىكتىرەتىن مەرەكە, بىراق سونىمەن بىرگە ءىس-شارانىڭ فورماتى ادامدار اراسىنداعى قاشىقتىقتى ساقتاۋعا جانە بەتپەردە كيۋگە مۇمكىندىك بەرمەيدى. ۆاكتسيناتسيانىڭ تولىق كۋرسىنان وتكەن ادام دا كوروناۆيرۋستى قايتادان جۇقتىرۋى مۇمكىن», دەدى روزانا لەيتە دە مەلو.