قازاقستاندىق ارالاس جەكپە-جەك شەبەرى شاۆكات راحمونوۆ كەلەسى شايقاسىندا موزامبيك ەلىنىڭ ءۇمىتى كارلستون حارريسكە قارسى سەگىز بۇرىشقا شىعاتىنى بەلگىلى. بۇگىن راحمونوۆتىڭ حارريستونعا قارسى جەكپە-جەگى قاي جەردە وتەتىنى بەلگىلى بولدى, دەپ حابارلايدى Egemen.kz.
بۇل تۋرالى شاۆكات راحمونوۆ ءوزىنىڭ ينستاگرامداعى اككاۋنتى ارقىلى مالىمدەدى. سونىمەن قازاق وعلانى 5 اقپان كۇنى اقش-تىڭ لاس-ۆەگاس قالاسىندا وتەتىن جەكپە-جەك كەشىندە ءحارريستىڭ مىسىن باسۋعا تىرىسىپ كورەدى.
بۇعان دەيىن UFC-دە ەكى رەت وكتاگونعا شىققان قازاق سپورتشىسى برازيليالىق الەكس وليۆەيرانى جانە ميشەل پرازەريستى مەرزىمىنەن بۇرىن جەڭگەن بولاتىن. شاۆكاتتىڭ قارسىلاسى دا ازىرگە پروموۋشندە ەكى جەكپە-جەك وتكىزىپ, قارسىلاستارىن نوكاۋتپەن جەڭگەن.